EKIPA HUSI UNIAO EUROPEIA HALO SOSIALIZASAUN PROGRAMA ERASMUS MESTRADU NIAN IHA UNPAZ

EKIPA HUSI UNIÃO EUROPEIA HALO SOSIALIZASAUN PROGRAMA ERASMUS MESTRADU NIAN IHA UNPAZ

Dili-Universidade da Paz (UNPAZ) liuhusi ekipa União Europeia halo sosializasaun programa estudu ERASMUS Mestradu nian ba estudante UNPAZ, iha Aula Prof. Dr. Lucas da Costa (17/12/24).

Embaixador União Europeia ba Timor-Leste, hateten União Europeia nia polítika mak hakarak asegura sirkulasaun livre ba ema nian ba sasan no servisu sira nomós kapital iha merkadu internu no promulga legislasaun iha justisa, asuntu internu no mantein polítika komun sira kona-ba komersiu, agrikultura, peskas no dezenvolvimentu rezional.

“Asaun konkretu husi implementasaun polítika hirak ne’e, atu aijuda no hasa’e asesu ba ensinu superior iha nasaun parseiru liuhusi apoiu finansiamentu bolsa estudu nian. Sesaun informsaun ida ne’e hanesan parte ida husi estratejia fundu União Europeia nian. Husi programa ida ne’e atu motiva estudante husi Timor-Leste atu aproveita no aplika hodi estuda iha Europa liuhusi programa ERASMUS”,dehan Embaixadór.

Enkoraja ba universidade hotu-hotu iha Timor-Leste atu estabelese rede universidade sira husi universidade União Europeia nian, nun’e’e programa bele fó benefisiu ba sosiedade no universidade ne’e rasik, ita bo’ot sira mak hetan oportunidade atu estuda iha Europa, liuhbusi programa ERASMUS ha’u serteja ita bo’ot sira la’os de’it hadia kualifikasaun akadémiku, maibe ita bo’ot sei asesu ba fasilidade sira ho klase mundial no estuda ho estudante sita husi orijen oi-oin.

Entretantu iha sosializasaun ne’e, partisipa husi Embaixador União Europeia ba Timor-Leste. Vise Reitor Asuntu Akadémiku, Sr. Joaninho Xavier Hei, Lic, CSH.,M.Ed.PhD. ho estrutura Universidade nian, Ekipa husi União Europeia, inklui estudante husi Fakuldade 6 iha Universidade da Paz.