EKIPA HUSI SAUP APREZENTA PROGRESU SERVISU BA SENADU UNIVERSIDADE

EKIPA HUSI SAUP APREZENTA PROGRESU SERVISU BA SENADU UNIVERSIDADE

Dili-Universidade da Paz (UNPAZ) liuhusi ekipa programa SAUP aprezenta progresu servisu ba senadu universidade kona-ba progresu servisu ne'ebé durante SAUP kopera ho UNPAZ, iha Aula Prof. Dr. Lucas sa Costa (21/11).

Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. hanesan Kordenadór ba Programa SAUP, hateten reuniaun ohin hamutuk ho Magnifiku Reitór nomós senadu universidade, atu partilia informasaun kona-ba programa SAUP nian, ne'ebé durante SAUP kopera ho UNPAZ desde 2020 ate agora.

"Benefisiu husi programa ne'e mak, ita dezenvolve kurikulum ba estudu ba paz nian, kria Pece HUB Center, ba atividade paz nian iha UNPAZ, nomós estudante ho Dosente sira ba halo estudu komparativu iha Cambodya, Filipina nomós Alemaña, ne'ebé mak durante hala'o hela",dehan Kordenadór ba Programa SAUP.

Nia hatutan, Fulan oin sei iha ekipa ida, husi Alemaña, Cambodya no Filipina, sei mai iha Timor, hodi hala'o atividade iha fatin rua, hanesan UNPAZ no CNC, ne'ebé durante halo kooperasaun ho programa SAUP nian, nomós atividade ne'e sei halo Workshop durante semana ida, hahú husi 11-15 Dezembru 2023, tanba ne'e mak ohin enkontru ne'e, atu fartillia informasaun ba senadu universidade atu hapar ho programa ne'ebé la'o ona nomós prepara simu bainaka sira husi programa SAUN nian.

Entretantu partisipa iha aprezentasaun ne'e, Magnífiku Reitór Universidade da Paz, Dr. Adolmando Soares Amaral, Lic. Eco.,MM. ho Estrutura sira Ekipa husi Programa SAUP nian.