EKIPA HUSI JCI-TL PARTILLA INFORMASAUN ENTREPRENEURS BA ESTUDANTE SIRA IHA UNPAZ
Dili-Universidade da Paz (UNPAZ) liuhusi Junior Chamber Internasional Timor-Leste (JCI) servisu hamutuk ho Fakuldade Ekonomia, hodi partilla informasaun kona-ba entrepreneurs/business nian ba estudante sira husi Fakuldade Ekonomia, iha Aula Prof. Dr. Lucas da Costa (22/11/24).
Vise Dekanu Asuntu Akadémiku Fakukdade Ekonomia, Sr. José da Silva, Lic. Eco.,MM. ne’ebé Reprezenta Dekanu Fakuldade Ekonomia hato'o agradese ba ekipa husi JCI ne’ebé marka prejensa iha UNPAZ, hodi partilla esperiensia kona-ba entrepreneurs ne’ebé halai liu kona-ba business nian ba estudante sira husi Fakuldade Ekonomia Universidade da Paz.
“Estudnate sira atividade ida ne'e importante tebes ba imi atu bele akompaña to’o remata, nune’e imi bele ouq koñesimentu no abilidsde ituan kona-ba esperiensia sira ne'ebé ita Nia bainaka sira sei fahe imi”,dehan Vise dekanu Asuntu Akadémiku Sr. José.
Nia hatutan, atividade ida ne'e realiza, oinsa Ita bele hatene kona-ba kultura no Ekonomia husi Japaun nomós bele halo estudu komparativu entre estudnate sira bele ba Japaun nomós Japaun bele mai iha UNPAZ.
Entretantu iha eventu ne’e, partisipa husi Vise Dekanu Asuntu Akadémiku Fakukdade Ekonomia, Sr. José da Silva, Lic. Eco.,MM. Vise Dekanu Asuntu Estudantil, Ekipa Husi JCI-Timor-Leste, nomós Bainaka sira husi Japaun inklui Estudnate sira husi Fakukdade Ekonomia Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
