EKIPA HUSI FAKULDADE ENJENARIA APREZENTA KURIKULU MESTRDAU NIAN BA UNIVERSIDADE

EKIPA HUSI FAKULDADE EÑJENARIA APREZENTA KURIKULU MESTRDAU NIAN BA UNIVERSIDADE.

Universidade da Paz, (UNPAZ) ekipa husi Fakuldade Eñjenaria aprezenta kurikulu kursu mestradu nian ba Universidade, iha Salaun Prof. Dr. Lucas da Costa, 27/01/23.

Hateten husi Magnifiku Reitór Dr. Adolmando Soares Amaral, Lic.Eco.,MM, ita atu loke kursu programa mestradu iha Enjenaria ninia konsentra ba iha Arkitetura, Industria, nó Konstrusaun Sivil, informasaun ne’ebe maka ita lansa liu husi Média Center kona-ba iha tinan 2022-2023 UNPAZ loke tan kursu foun hamutuk ne’en.

Ita divulga ona informasaun husi Média Center katak UNPAZ hahu loke hikas inskrisaun ba etapa segundu nian iha dia 26 horseik, ne’ebe husu ba Fakuldade enjenaria haruka ita bo’ot sira nia fokal point ida atu bele mai iha admistrasaun mestradu nian, para bele halo atendimentu bainhira estudante sira mai husu brosura ruma.

Hateten husi Dekanu Fakuldade Enjenaria Sr. José Maniquin, Lic.Tec.,M.Eng. ohin ami ekipa husi Fakuldade Enjenaria kompostu husi estrutura Fakuldade nian mai aprezenta kurikulu ba kursu programa mestradu nia ba Universidade, bazei ba orientasaun husi senadu Universidade nian katak iha tinan ida ne’e UNPAZ loke tan kursu ba programa mestradu nian iha Fakuldade Enjenaria.

Partisipa iha atividade ne’e Magnifiku Reitór Dr. Adolmando Soares Amaral, Lic.Eco.,MM, Dekanu Fakuldade Enjenaria Sr. José Maniquin, Lic.Tec.,M.Eng, Vise Reitór Asuntu Akadémiku, Vice Dekanu, Xefe departamentu sira inklui dosente sira husi Fakuldade Enjenaria.