EKIPA HUSI ANAAA SERVISU HAMUTUK HO UNPAZ BA PREPARASAUN AKREDITASAUN PROGRAMA ESTUDU 2024
Dili-Universidade da Paz (UNPAZ) kontinua serbisu hamutuk ho Ekipa ANAAA, Sr. Paulino Saldanha, Núdar tekniku hodi prepara priense SAR ba akreditasaun programa estudu sira iha tinan 2024, iha Aula Prof. Dr. Lucas da Costa (04/04).
Vise Reitór Assuntu Akadémiku, Dr. Joaninho Xavier Hei, Lic.CSH., M.Ed.PhD. Hateten ita simu karta husi ANAAA iha fulan fevereiru kona-ba preparasaun ba inisial akreditasaun nomós re-akreditasaun ba programa estudu sira ne’ebé atinji ona periodu tinan lima, ne’e mak ita iha unpaz ne’e iha fakuldade rua fakuldade CSH nomós fakuldade Direitu.
Nia hatutan, horseik ho ohin ita hetan treinamentu akompaña husi ekipa ANAAA lidera husi Sr. Paulino Saldanha, nia mai fó treinamentu ba ita nia ekipa ne’ebé priense SAR ba iha inisial akreditasaun nomós re-akreditasaun ne’e loron rua.
Formasaun ne’e halai liu ba iha SAR versaun Kuantitativu ho Kualitativu, no treinamentu loron rua ne’e, ita remata ohin e kolega sira partisipa maximu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
