EKIPA HUSI ANAAA FASILITA TREINAMENTU BA PRIENSE SAR BA PROGRAMA ESTUDU SIRA ATU HAKAT BA AKREDITASA

EKIPA HUSI ANAAA FASILITA TREINAMENTU BA PRIENSE SAR BA PROGRAMA ESTUDU SIRA ATU HAKAT BA AKREDITASAUN

Dili-Universidade da Paz (UNPAZ) liuhusi Ekipa ANAAA fasilita treinamentu kona-ba priense SAR ba re-akreditasaun no inisial akreditasaun ba programa estudu sira ne'ebé atu hakat ba akreditasaun tinan akadémiku 2024, iha Aula Prof. Dr. Lucas da Costa (03/04).

Diretor Ezekutivu ANAAA. I.P. Dr. Dilton Diamantino Paiva Mau, ha'u marka prezensa iha fatin ida ne'e, atu fó suporta no motivasaun ba Sivitas Akadémiku, liu-liu ba fakuldade no departamentu ne'ebé atu hakat ba re-akreditasaun iha tinan ida ne'e, nune'e prezensa ida ne'e mós atu hatene preparasaun husi fakuldade rua CSH ho Direitu to'o ona iha ne'ebé, nune'e ekipa husi ANAAA bele aijuda mós iha parte balun.

"Husu ba ita tenki nakloke ba malu para ita bele aijuda malu, liu-liu ba fakuldade rua CSH no Direitu ba departamentu sira ne'ebé atu hakat ba akredita no re-akredita, ita boot sira tenki nakloke ba ekipa ANAAA atu bele aijuda iha parte balun, nune'e ita bele mellora di'ak liu tan kualidade ensinu superior",dehan Diretor ANAAA.

iha fatin hanesan, Magnífiku Reitór UNPAZ. Dr. Adolmando Soares Amaral, Lic.Eco.,MM. Agradese ba Diretor ANAAA ho ekipa ne'ebé mai ho vizaun ida ke di'ak hakarak aijuda ensinu superior sira iha Timor-Leste, atu garante nia kualidade, tanba ne'e ita boot nia vizaun di'ak ida ne'e, ami sei asegura ho ita boot nia polítika ida ne'e to'o mandatu remata.

Entretantu iha atividade refere, partisipa husi Diretor Ezekutivu ANAAA. I.P. Dr. Dilton Diamantino Paiva Mau. ho ekipa. Magnífiku Reitór UNPAZ. Dr. Adolmando Soares Amaral, Lic.Eco.,MM. Vise Reitór Asuntu Akadémiku. Estrutura husi Fakuldade CSH ho Direitu inklui Funsionariu sira.