![EKIPA FDCH HALO MONITORIZASAUN IHA UNPAZ](https://unpaz.tl/asset/foto_berita/041.jpg)
EKIPA FDCH HALO MONITORIZASAUN IHA UNPAZ
Dili-Universidade da Paz (UNPAZ) liuhusi Fundo Do Dezenvolvimento Do Capital Humano (FDCH) Diresaun Nasional Planu Pesquiza Monitorizaun e Fiskalizasaun (DNPPMF) hala’o Progrograma Monitorizasaun ba Bolseirus Hakbi’it (BH) no Bolsa Parsial (BP) tinan akadémiku 2022 iha UNPAZ. Iha Aula Prof. Dr. Lucas d Costa (26/09).
Tekniku Professional FDCH, Sr. Prudençio A. L. Dias Ribeiro, hateten monitorizaun mai iha UNPAZ liga liu ba iha bolseiru sira, husi governu ne’ebé atribui ona ba iha estudante sira kona-ba kustu estudu nomós propinas no kustu da vida, ne’ebé atribui ba parte rua, bolsa parsial no bolsa hakbi’it, bolsa hakbi’it, governu mak finansia hotu, no bolsa parsipa metade husi governu e metade husi estudante ne’e rasik.
Nia hatutan, monotorizaun ida ne’e atu identifika estudante sira liuliu kona-ba notas durante andamentu prosesu aprendisajen iha UNPAZ, nomós haree liu disiplina husi estudante sira, liuliu utilizasaun orsamentu ne’ebé atribui ona husi governu, nune’e bele identifika loloos durante prosesu tomak.
“Estudante sira tenki toma atensaun ba kontratu ne’ebé halo ona entre estudante sira ho FDCH, liuliu ba kustu sira ne’e, tanba ita lakoi estudante sira utiliza fali kustu ne’e ba nesesidade ne’ebé la relasaun ho nesesidade estudu nian, nune’e labele prezudika sira iha loron ikus”,dehan Sr. Prudençio.
Nia reforsa, estudante sira tenki aproveita tempu ne’ebé di’ak, nomós utilizasaun kustu ne’ebé atibui ona ba sira, tuir nesesidade sira nia estudu nian, atu bele ajuda sira hodi bele atinji objetivu ne’ebé bazeia ba kontratu.
Entretantu, kandidatu Bolsa Parsial husi FDCH 2022 ne’ebé rejistu iha UNPAZ, ho total (108), Kandidatu Bolsa Hakbi’it ho total (84), kandidatu husi Bolsa Parsial ho Bolsa Hakbi’it hamutuk (192).
Partisipa iha monitorizaun ida ne’e, Vise Reitór Asuntu Akadémiku, Sr. Joaninho Xavier Hei, Lic. CSH.,M. Ed. Tekniku Professional FDCH, Sr. Prudençio A. L. Dias Ribeiro, ho ekipa.