EKIPA DOSENTE HALO MONITORIZASAUN BA ESTUDANTES ESTAJIU INSTITUISIONAL IHA TERENU

EKIPA DOSENTE HALO MONITORIZASAUN BA ESTUDANTES ESTAJIU INSTITUISIONAL IHA TERENU

Dili-Universidade da Paz (UNPAZ) nia dosente husi Fakuldade Saúde Pública e Ciencias Medicas, hala'o atividade monitorizasaun ba estundate sira husi Fakuldade Saúde Pública e Ciencias Medicas ba semestre 4 ne'ebé desloka ona ba iha ida-idak nia Munisipiu, Postu Administrativu hodi hala’o sira-nia Estajiu Instituisional iha kampu, liu-liu ba iha Servisu Saúde Munisipal, Sentru Saúde Komunitariu, no Postu Saúde. (15/01) horseik.

Iha fatin hanean, Xefe Sentru Saúde Komunitariu Laulara Dr. António Dos Santos, Lic. MGB, hateten senti kontenti no apresia los ho Universidade da Paz Liuhusi Fakuldade Saúde Pública e Ciencias Medicas ho nia Estratéjia ne'ebé di'ak tebes, hodi haruka nia estudante sira hala'o sira nia Estajiu Instituisional iha ida-idak nia Munisipiu no Postu sira, husi ne'e bele hakman no ajuda i apoiu makas los ba ami nia atividade atendementu no programa sira.

“Durante semana ida ona Estudante sira servisu di'ak no badinas i apoiu ami maka’as los iha baze ba programa sira ne'ebé ami presiza to’o iha Postu Saúde sira. Husi estudante sira ne'ebé Estajiu iha Sentru Saúde Komunitariu di'ak tebes no iha mós aprosimasaun ne'ebé di'ak ho Funsionariu ka Pesoal Saúde sira iha Sentru Saúde Komunitariu”,tenik.

Nia dehan, husi Estajiu Instituisional ba semana rua espera katak, estudante sira bele aumenta tan sira-nia kapasidade no esperiénsia iha kampu Traballu nian, estudante sira aprende Teoria tenki kompleta mós ho Prátika hodi bele kompleta Siénsia husi Ambiente servisu nian. Agradese ba Universidade da Paz no liu-liu ba Fakuldade Saúde Pública e Ciéncia Medicas katak ba futuru bele haruka tan Estudantes sira ba hala'o atividade Estajiu Instituisional iha sira-nia fatin.

Sorin seluk, Xefe Sentru Saúde Komunitariu Remexio Sra. Helena da Costa, sente kontenti los ho Universidade da Paz no Fakuldade Saúde Pública e Ciencias Medicas, bele haruka fila fali sira-nia estudante ba iha sira-nia Munisipiu no Postu Administrativu sira, tanba sira mak sai futuru ne'ebé di'ak liu hodi bele troka ita nia fatin. Nomós Estudante Estajiu Instituisional sira iha Sentru Saúde Komunitariu mós sempre hetan Orientasuan di'ak husi mediku ka Pesoal Saúde sira, hodi koloka Estudantes sira tuir Departamentu, iha situasaun balun mak estudante sira mós bele hetan oportunidade ba iha programa SISCA iha Komunidade. Atu bele hasa’e konesimentu no Mentalidade i kapasidade Estudantes sira nian tenki iha Estajiu Espesifiku sira.

EKIPA Dosente ba monitorizasaun iha Municipiu Aileu no Postu Administrativu 4 (Hat) mak Sr. Tomas Elvis Fátima, Lic. SP., M. SP. Sr. Marcos Carvalho, Lic. SP. Sr. Lucas Lesse Mau Gomes, Lic. SP., M. SP.