EKIPA AVALIADOR KONTINUA HALAO SITE VISIT BA LORON DARUAK IHA KAMPUZ UNPAZ RAMU RAEOA

EKIPA AVALIADÓR KONTINUA HALA’O SITE VISIT BA LORON DARUAK IHA KAMPUZ UNPAZ RAMU RAEOA

Dili-Universidade da Paz (UNPAZ) liuhuis Ministériu Ensinu Superór Ciensia Cultura (MESCC) hala’o site visit ba loron daruak nian iha kampus ramu UNPAZ RAEOA hodi avalia ba lisensa operasional, iha RAEOA Oe-Cusse (10/12).

Magnifiku Reitór, Dr. Adolmando Soares Amaral, Lic.Eco.,MM, hateten, ita hetan vizita husi ministériu ensinu superior sira liu-liu avaliadór sira mai halo avaliasaun, bazeia ba proposta ne’ebé ita haruka ba hodi bele hetan lisensa operasionál ba kampus ramu rua, tantu kampus ramu Covalima no kampus ramu RAEOA, maibé kampus ramu Covalima ita termina ona no ita hahú fali iha RAEOA iha dia 9-10, ita espera katak rezultadu ne’ebé mak ekipa avaliadór sira mai haree liuhusi site visit ne’e sira sei formula relatóriu haruka ba ministériu ensinu superior ciências no cultura atu analiza hodi bele hatún despaixu autorizasaun ba lisensa operasionál kampus ramu sira.

Nia hatutan, universidade da paz no fundasaun neon metin preparadu ba lisensa operasionál, buat hotu ne’ebé mak iha padraun akreditasaun ba lisensa operasionál 11 no indikadór 57 prienxe hotu tan ne’e, ho esperánsa katak kampus ramu rua ne’e sei hetan mós lisensa operasionál, wainhira la hetan mak sei buka tuir liuhusi dalan seluk.

“Ita iha esperánsa bo’ot katak ita sei hetan lisensa operasionál ba kampus ramu sira, maibé karik la hetan ita buka to’ok nia solusaun tanba ita-nia preparasaun ida ne’e ita halo ona investimentu, rekusu umanu mós preparadu kondisoes mínimas mós ita garante ne’ebé ita fiar katak ita sei hetan lisensa operasionál. Se ita la hetan mak ita sei halo konfirmasaun ho ministériu atu nune’e ministeriu aprezenta ba ita atu ita hatene ita menus iha saida , tanba iha padraun 11 no indikadór 57 ne’e ita prinxe hotu no avaliadór sira mai iha terenu liuhusi site visit ne’e sira konfirma katak buat hotu-hotu ne’ebé ita formula iha proposta ne’e, hapar ho buat hotu iha terenu, tan ne’e mak ita esperansa bo’ot ba hetan lisensa operasionál.

Partisipa iha site visit ba iha kampus RAEOA ne’e, Estrutura Universidade ne’ebé kompostu husi, Vise Reitores sira, Dekanu Fakuldade Neen, Xefe Departamentu sira, Pro-Reitor sira, Diretor/Unidade sira, Dosente, inklui Ekipa husi (MESCC)