EKIPA AVALIADOR HUSI MESSK AVALIA LISENSA OPERASIONAL BA PROGRAMA ESTUDU EFIDEMIOLOGIA NO BIOSTATISI

EKIPA AVALIADOR HUSI MESSK AVALIA LISENSA OPERASIONAL BA PROGRAMA ESTUDU EFIDEMIOLOGIA NO BIOSTATISITKA

Dili-Universidade da Paz (UNPAZ), liuhusi Ministru Edukasaun Superiór Siénsia no Kultura (MESSK), ne'ebé delega avaliadór na'in tolu, Dr. Luis Aparicio Guterres, Dr. Mateus Pineiro no Dra. Tereza Almeida Maria, hodi halo avaliasaun lisensa operasional ba programa estudu Siensia Efidemiologia no Biostatistika e Sistema Informasaun da Saúde, iha Fakuldade Saúde Públika e Ciensia Medica-UNPAZ, Iha Aula Prof. Dr. Lucas da Costa (16/11).

Reprezenta Avaliador husi MESSK, Dr. Mateus Pineiro, hateten ami reprezenta husi ensinu suoerior, mai hodi avalia kursu foun hitu iha FSPeCM-UNPAZ, buat hotu la’o di’ak, hahu husi inisiu to’o remat ohin loron, buat hotu la’o ho di’ak, ami sei hatama relatoriu ba ensinu superior, depois sira mak bele publika sai kona-ba rezultadu.

Iha fatin hanesan, Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. hateten avaliasaun ba programa estudu, ne’ebé hala’o husi MESSK kona-ba programa hitu ne’ebé iha FSPeCM, bazeia ba proposta ne’ebé ita submete iha fulan hirak liuba, ita hetan ona resposta, ne’e mak sira mai halo ona avaliasaun ba programa hitu iha FSPeCM.

Nia hatutan, enjeralmente iha ita haree, maioria ita priense kritera minimu ba iha lisensa operasional ba iha programa hitu ne’ebé ita estabelese, tanba ne’e ita hautudu ba panel sira la’os de’it proposta ne’ebé ita hato’o, maibe evidensia ne’ebé ita prepara no dokumentus aneksu sira, fasilidade sira site visit, sira mós haree hotu nomós rekursu sira, ita priense kriteira ba iha lisensa operasional nian.

“Ita espera katak, depoise de avaliasaun husi panel sira ne’ebé koloka mai iha UNPAZ, bele fó valor positivu ba programa estudu ne’ebé estabelese, uluk ho konsentrasaun no agora atu muda ba iha deparamentu, tanba ne’e ita nia esperansa bele hetan lisensa operasional ba programa estudu hitu ne’e, atu bele prepara ita nia jerasaun kontinuador sira ba iha futuru”,dehasn Vise Reitor Asuntu Akadémuku.

Sorin seluk, Dekanu FSPeCM, Sr. Cipriano Pacheco, Amg, Lic. SP.,Kes, kartak, FSPeCM iha departamentu hitu, ne’ebé mak durante ne’e ita la’o ho konsentrasaun, ho ida ne’e mak ita prepara dokumentus sira hodi submete ba iha MESSK, ho ida ne’e mak sira mai halo avaliasaun ba programa estudu hitu ne’e, durante loron haat iha UNPAZ. Husi avaliasaun ida ne’e mak, ita atu hatur lolos ita nia estudante sira-nia profisionalidade iha área saúde públika ne’ebé lolos.

“Prepasaun buat hotu la’o di’ak, maibe iha mós rekomendasaun husi panel sira, atu bele millora di’ak liu tán, maibe ita nia observa dokumentu sira ne’ebé ita aprezenta hetan mós apresiasaun husi panelista rasik, maibe ita hein desizaun final husi MESSK, ita iha esperansa boot sei hetan duni lisensa operasional, tanba ita mós lakoi lakon komfiansa husi ita nia estudante nomós husi públiku mai iha universidade no fakuldade, rekomendasaun/falta ruma ita anota hela, ita bele hadia no mellora di’ak liu tan tuir nia estandar, nune’e bele asegura kualidade ba ita nia estudante sira, atu bele sai ho sira-nia profisionalidade ba iha komunidade”,dehan Dekanu FSPeCM.

Entretantu avaliasaun lisensa operasional ba programa estudu, Siensia Efidemiologia no Biostatistika e Sistema Informasaun da Saúde, husi FSPeCM-UNPAZ, partisipa husi Magnífiku Reitór Universidade da Paz, Dr. Adolmando Soares Amaral, Lic. Eco.,MM. Ho Estrutura Universidade ne'ebé kompostu husi Vise Reitóres sira, Dekanu ho Xefe Departamentu sira, Pro-Reitor sira, Diretór/a Unidade sira, Dosente Funsionariu inklui Estudante sira.