EKIPA AVALIADOR ANAAA HALO VIZITA BA KAMPUS SANAK UNPAZ LIQUISA

8#UNPAZ# 26 SETEMBRU 2021

EKIPA AVALIADOR ANAAA HALO VIZITA BA KAMPUS SANAK UNPAZ LIQUISA

Dili-Universidade da Paz (UNPAZ), liuhusi ekipa avaliador ANAAA halo vizita ba kampus sanak UNPAZ Liquisa, hodi haree dokumentus anexu sira, fasilidade no laboratorium, iha Kampus satellite UNPAZ Liquisa (25/09) horseik.

Dekanu Fakuldade Enjeñaria, Sr. José Manuel Maniquin, AP. Lic. Eng.,M.Eng, hateten programa avaliasaun ba UNPAZ tinan ida ne’e ita hatene katak, UNPAZ hetan oportunidade ba programa estudu ha’at, tolu (3) ba iha Mestradu, ida (1) lisensiatura husi Fakuldade Enjeñaria nia Deparatamentu konstrusaun Sivil, ne’ebé ita partesipa durante loron rua ita halo avaliasaun hamutuk ho panel internasional nomós nasional.

Nia hatutan, depois de avaliasaun ita hein rekomendasaun husi ekipa panel sira, ita kompleta hodi hadia tuir ita nia kbi’it ne’ebé iha ho situasaun ne’ebé ita infrenta, nune’e iha tinan hirak tuir mai depois reakreditasaun ita bele responde pelumenus saida mak sira rekomenda ita bele atinji.

“Ita espera buat hotu la’o di’ak tanba servisu hamutuk entre universidade no programa esttudu sira, ita espera nia rezultadu bele fó pozitivu ba ita“,tenik Dekanu Fakuldade Enjeñaria, Sr. José.

Partesipa iha atividade refere, Magnifiku Reitór Universidade da PaZ, Dr. Adolmando Soares Amaral, Lic. Eco.MM. Prezidente Fundasaun, Ekipa avaliador ANAAA, Pro Reitor, Dekanu husi Fakuldade neen, Diretores, Xefe Departamentu sira, Xefe Unidade sira, Dosente, inklui Funsionariu.