![EKIPA AUDITOR HALO AUDITORIA BA IHA FAKULDADE ENJENARIA](https://unpaz.tl/asset/foto_berita/131.jpg)
EKIPA AUDITOR HALO AUDITORIA BA IHA FAKULDADE ENJEÑARIA
Dili-Universidade da Paz (UNPAZ) liuhusi ekipa auditor Leao Unipesoal ohin hala’o auditoria ba iha Fakuldade Enjeñaria ba prosesu hotu ne’ebé la’o durante ne’e liuliu ba prosesu administrasaun no finansas nian, iha edifisiu Fakuldade Enjeñaria (13/07).
Vise Dekanu ASS. ADM no Finansas, Sr. Eustaquio A.A.P.Soares, Lic.Tec. hateten, inisiativa ne’ebé universidade hasai hodi fasilita prosesu hotu atu garante ita nia administrasaun ne’e la’o ho diknu para labele mosu failansun ruma, tanba ne’e ho prejensa auditoria ne’e bele fó vantajen bo’ot ida liuliu fakuldade enjeñaria.
“razaun auditoria ne’e ita atu hadia nafatin ita nia prosesu administrasaun hotu atu garante nia prosesu administrasaun, ita bele dehan akontabilidade tuir dunik prosedimentu ne’ebé maka ho politika magnifiku reitor nian reforma no kualidade, atu nune’e bele trata ita nia administrasaun liuliu iha parte finanseira tuir lolo’os politika ne’ebé magnifiku reitor hatun”, dehan Vise Dekanu ASS. ADM no Finansas, Sr. Eustaquio.
Nia hatutan, buat hotu la’o di’ak tanba hakarak ka lakoi tenki ita submete, para atu bele garante akontabilidade lolo’os ita nia administrasaun, atu bele hatudu ba públiku katak, Universidade da Paz ida uluk la hanesan Universidade da Paz ida agora ne’e, ho politika ne’ebé magnifiku reitor hatun reforma no kualidade.
Vise ne’e reforsa, Fakuldade Engeñaria dala barak ema hotu hatene katak, prosessu ne’ebé maka durante ne’e kuaje hetan auditoria internal, iha rekomendasaun lobuk ida mak enjeñaria atu bele ko’alia, ha’u hanoin iha 2021 ne’e ita koko hadia ita la’o tuir ninia prosesu hotu, depende fila fali ba rejultadu ne’ebé orsida públika bajeia ba auditoria external nian.
Entretantu iha auditoria ne’e hala’o husi, External Auditoria, Sr. Moises Maria Do Rego Leão, MBA,, no hetan partisipa husi, Dekanu Fakuldade Enjeñeria Sr. José Manuel Maniquin, Lic. Eng. M. Eng. Vise Dekanu ASS. ADM no Finansas, Sr. Eustaquio A.A.P.Soares, Lic.Tec.