EDISAUN LORAIK NIAN EKIPA MEDIA CENTER KONTINUA FOTI INFORMASAUN BA ESTUDANTE PAK SIRA HUSI FSPeCM

EDISAUN LORAIK NIAN EKIPA MEDIA CENTER KONTINUA FOTI INFORMASAUN BA ESTUDANTE PAK SIRA HUSI FSPeCM

RAEOA Universidade da Paz (UNPAZ) liu-husi ekipa Media Center hamutuk ho Kondutor Bus sira rekola informasaun ba estudante PAK sira husi Fakuldade Saude Publika e Ciensia Medicas iha Suco Costa, Lalisuk, no Suco Nipane, 31/05/24.

Dada lia ho Xefe grupu 3, Mouzino P. da Silva katak, iha sira nia grupu 3 lokaliza iha Aldeia Mahata Suco Costa, sira hela iha karantina Mahata Kitahara, ba atividade ami nian agora remata hotu ona, ami mos konstrui haris fatin ida iha Baro Upu- Meta, ne'e sai hanesan rekordasaun ida mai ami.

Hato'o husi Vese Xefe grupu 9, Sofia M. Nipu, katak ami husi grupu 9 ami agora dadaun hela iha karantina Klinika Sakato nian, ami ami nia atividade pak nian, lokaliza iha Aldeia Bausiu, Suco Nipane, ba atividade fiziku ami kontrui fatin lixu ida iha SD Bausiu nia oin.

Dehan husi Xefe grupu 8, Guido da Costa A. Lopes, ami husi grupu 8 ami nia atividade ba pak II no III nia finaliza hotu ona, ba atividade fiziku nian ami halo fatin lixu ida iha Klinika Sakato nia oin, fatin hela na'i Xefe Aldeia fo ami hela iha karantina Klinika Sakato nian, ami hala'o ami nia atividade pak iha Aldeia Sakato Suco Nipane.

Dada lia ho Xefe grupu 12, Jaquelina de Oliveira katak ami grupu 12 hala'o ami nia atividade pak iha Aldeia Banoco Suco Lalisuk, ami hela iha Xefe Aldeia nia uma, ba ami nia atividade pak II no III finaliza hotu ona, ba atividade fiziku ami konstrui fatin lixu ida ba komunidade sira iha Bairo Banoco, atu nune sira bele utiliza hodi soe foer.