EDISAUN DADER NIAN, EKIPA MEDIA CENTR KONTINUA FOTI INFORMASAUN BA ESTUDANTE PAK HUSI FSPeCM SIRA
RAEOA Universidade da Paz (UNPAZ) liu-husi ekipa Media Center rekoela informasaun kada grupu sira, 31/05/24.
Ohin hahu husi grupu 13 ne'ebe mak hala'o sira nia atividade PAK iha Aldeia Oe-sono, Suco Costa, hato'o husi sira nia Xefe de grupu Arlindo Colo katak ami nia atividade PAK I, II, to III remata ona, ami mos konstrui fatin sampa ida iha Crux rate nia oin.
Grupu 2 hela iha Aldeia Sanane, Suco Costa, hateten husi Xefe de grupu 2, Albino Soco, katak ami grupu 2,bami nia atividade remata ona hein deit atu aprezenta ami nia relatoriu final, ami nia atividade fiziku ami halo fatin lixu 2, ida iha Merkadu Numbei, ida iha sede Suco Costa.
Grupu 5 ne'ebe hala'o sira nia atividade iha Aldeia Noa-pai, Suco Cunha, hato'o husi Xefe de grupu, Juliao de Jesus katak, ba atividade fiziku ami kontrui haris fatin ida ba ita nia komunidade ida, sira utiliza ona, inklui mos fatin lixu ida iha Kapela Noa-pai nian.
Grupu 6 hela iha Aldeia Noafafo, Hato'o husi Vise Xefe de grupu, Aniceto Moniz katak ami grupu 6 ba atividade pak 1,2 to 3 remata hotu ona, ami konstrui haris fatin ida iha Kapela Aldeia Noafafo nian.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
