DOSENTES UNPAZ NA\'IN 60 PARTISIPA FORMASAUN COMMUNITY ENGAGEMENT

DOSENTES UNPAZ NA'IN 60 PARTISIPA FORMASAUN COMMUNITY ENGAGEMENT

Dili-Universidade da Paz (UNPAZ) Nia Corpus dosentes na'in neen nulu (60) ne'ebé kompostu husi fakuldade neen (6) partisipa formasaun "Community Engagement Internship and Intitutional Evaluation" durante loron neen (6) ona, iha Aula Prof. Dr. Lucas da Costa (18/07/23).

Vise Reitór Asuntu Akadémiku, Sr. Joaninho Xavier Hei, Lic. CSH ,M.Ed. esplika, treinamentu ne'e ba corpus dosentes iha UNPAZ, kona-ba community engagement internship durante semana rua nia laran, hahú ona husi dia 11 semana kotu, sei finaliza iha dia 21 semana ne'e.

"Formasaun ba dosentes sira ne'e importante tebes, tanba UNPAZ koopera ho Catholic Relief Services (CRS), atu fasilita formasaun ba Dosentes sira iha UNPAZ, ho ida ne'e mak CRS kontratu ho profesór sira husi Universidade Amérika, Profesór Gary Wingenbach, PhD, ne'ebé hanorin iha Texas University, hodi fó formasaun durante loron neen ona",dehan Vise.

Nia esplika matéria ne'ebé apriende mak, Community Engagement, Primeiru halo investigasaun iha terenu, oinsá foti tópiku sira ne'ebé mak sai hanesan planu ba programa, atu hala'o iha komunidade. Seluk mós oinsá foti desizaun. apriende mós oinsá sai lideránsa, hodi lídera programa sira, inklui métodu atu sosializa iha programa Community Engagement.

Entretantu loron ohin apriende kona-ba Dosentes sira hanorin estudante sira oinsá atu husu perguntas, modelu oinsá atu husu perguntas no identifika estudante nia karaterístika ba apriende matéria.