DOSENTES NAIN 45 HETAN OPORTUNIDADE HUSI UNPAZ BA KONTINUA ESTUDU MESTRADU NO DOUTORAMENTU

DOSENTES NA’IN 45 HETAN OPORTUNIDADE HUSI UNPAZ BA KONTINUA ESTUDU MESTRADU NO DOUTORAMENTU

Dili-Universidade da Paz (UNPAZ) realiza serimónia asina kontratu ba dosentes na’in haat nulu resin lima (45) ne’ebé hetan oportinuadade husi UNPAZ, hodi kontinua estudu iha programa nivel mestradu no doutoramentu tinan akadémiku 2023, iha Aula Prof. Dr. Lucas da Costa (02/09).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten tinan ida ne’e ita haruka dosente sira ba kontinua nivel mestradu no doutoramentu, tanba ne’e iha tinan ida ne’e bolseiru hamutuk (45) na’in 8 ba programa mestradu no (37) ba programa doutoramentu, iha área siensia de direiru, jestaun estratejiku no administrasaun públika, iha tinan oin investe ba fali iha fakuldade tolu mak hanesan fakuldade enjeñaria, Agrikola no FSPeCM, tanba ne’e tinan ida ne’e ita fokus ba fakuldade ekonomia direitu no CSH.

“Iha ne’e ema barak hakarak hetan oportunidade, maibe sira mak liu selesaun, tanba ne’e utiliza bolsa ne’e ho di’ak, hodi kontribui no haboot universidade, labele universidade selu tiha aban bairua fila mai ba buka fali servisu iha fatin seluk, tanba ne’e mak ha’u husu ba sira oportuniade ida ne’e ema hotu-hotu hakarak, maibe imi mak hetan, depois de finaliza imi nia estudu mai halo buat barak ba UNPAZ, tanba ne’e, sira ne’ebé asina kontratu ho universidade, universidade iha komitmentu para selu ita boot sira to’o remata, ita bo’ot sira-nia servisu mak, Eskola, Estuda no Finaliza Estudu”,dehan Reitór.

Entretantu serimónia Asina Kontratu Bolsu Estudu ne’e, Magnífiku Reitór Universidade da Paz, Dr. Adolmando Soares Amaral, Lic. Eco.,MM, Asina diretamente ho benefisiariu Bolseiru sira no akompña husi Vise Reitores sira, Dekanu Fakuldade Neen, Xefe Departamentu sira, Pro-Reitor no Diretor/a Unidade inklui Dosentes sira.