DOSENTE UNPAZ UTILIZA APLIKASI QUIZIZZ BA EZAME ESTUDANTE SIRA

DOSENTE UNPAZ UTILIZA APLIKASI QUIZIZZ BA EZAME ESTUDANTE SIRA

Dili-Universidade da Paz (UNPAZ) nia dosente Nuno Saldanha D. Fatima, Lic.Dir.,MH. ne’ebé lori Materia Kriminologia, utiliza ona aplikasi QUIZIZZ hodi fó exame ba estudante sira, tanba aplikasi ne’e nu’udar aplikasi foun ne’ebé universidade servisu hamutuk ho Embaixada Indonesia, hodi utiliza aplikasi ne’e ba prosesu aprendisajen, iha aula Fakuldade Direitu (06/10).

Dosente Nuno Saldanha D. Fatima, Lic.Dir.,MH. hateten aplikasi QUIZIZZ ne’e ajuda tebes estudante sira, tenki sai kualidade ne’ebé di’ak, maka husi aplikasaun QUIZIZZ ne’e, bele aumenta estudante sira nia koñesimentu ba iha teknolójia.

“Liuhusi aplikasi QUIZIZZ ida ne’e ajuda tebes estudante sira, maske la mai iha kampus, sira iha uma mós bele asesu exame, estudante sira apresia lo’os ho aplikasi ne’ebé mak iha, tanba pela primeira vez, utiliza aplikasi ne’e, nune’e bele hetan kedas nia rejultadu”,dehan Dosente Nuno Saldanha.

Nia hatutan, universidade ne’ebé servisu hamutuk ho Embaixada Indonesia, hodi aumenta tán estudante nia kapasidade iha mundu teknolójia liuliu iha siénsia sira, bele apriende avansadu liután.

Estudante, Frederico M. Fernandes mós esplika, maneira ida di’ak tebes signifika katak, durante tuir ezame ho eskrita de’it, maibé mekanizmu ida ne’e nu’udar sistema ida ne’ebé mak foun ba iha era teknolójia nian.

“Liuhusi aplikasi ida ne’e ami bele hatene matéria hirak ne’ebé ami aprende iha prosesu aprendiasajen, ida ne’e bele sai mós pontu importante mai ami estudante sira bele aprende tán buat foun, tanba durante ne’e ami ezame ho eskrita de’it maibé liuhusi aplikasaun foun ida ne’e bele ajuda ona ami”,Estudante Frederico.