DOSENTE UNPAZ TUIR FORMASAUN LEI UMANITARIA INTERNASIONAL

DOSENTE UNPAZ TUIR FORMASAUN LEI UMANITARIA INTERNASIONAL

Dili-Universidade da Paz (UNPAZ) nia dosente sira hala’o atividade formasaun Lei Umanitaria Internasional ba dosente akadémiku sira, iha edifisiu Kruz Vermelia (17/03) horseik.

Vice Reitór Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. Hateten, desde 2018 ICRC hanesan ita nia parseiru hodi halo formasaun ba ita nia dosente sira kona-ba lei umanitaria ba akadémiku sira.

Nia hatutan, ohin ita halo tán formasaun ba Lei Umanitaria Internasional liuhusi via virtual, ita nia dosente husi Fakuldade rua mak tuir, Fakuldade Ciénsia Sosiais E Humanas no Fakuldade Direitu.

Vice Reitór salienta, ita nia hanoin futuru mai formasaun kona-ba Lei Umanitaria ne’e ba iha kurikulum, tanba lei Umanitaria ne’e importante tebes, oinsa atu regula konflitu Internasional nomós konflitu interna sira.

“UNPAZ hanesan parseiru ida besik liu ho ICRC, ita tempu mai sei iha ekipa ida foku ba servisu Lei Uumanitaria Internasional, espera husi formasaun ne’e bele aumenta koñesimentu dosente sira nian hodi transfrensia materia ne’ebé hetan iha formasaun ne’e ba iha aula sira”,tenik Nia.

Partisipa iha formasaun ne’e, Vice Reitór Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. Dosente sira husi Fakuldade Diretu no CSH, reprezentante husi Ministeriu Justisa, Ekipa Kruz Vermelia internasional.