DOSENTE UNPAZ PARTISIPA IHA TREINAMENTU APLIKASAUN QUIZIZZ ONLINE

DOSENTE UNPAZ PARTISIPA IHA TREINAMENTU APLIKASAUN QUIZIZZ ONLINE

Dili-Universidade da Paz (UNPAZ) nia dosente sira hotu husi Fakuldade neen, ohin partisipa iha treinamentu apliksaun Quizizz Online, ne’ebé fasilita husi formadór Embaixada Indonesia, Alfred Boby Tankonda, S.S.,MA (Tesol), iha Aula prof. Dr. Lucas da Costa (22/09).

Vise Reitór Asuntu Akadémiku, Sr. Joaninho Xavier Hei, Lic. CSH.,M. Ed. ne’ebé reprejenta Magnifiku Reitór, hateten ita halo kooperasaun ho Embaixada Indonesia ho UNPAZ, liuliu kona-ba kapasitasaun treinamentu ba dosente sira hotu iha UNPAZ, kona-ba aplikasaun Quizizz Online.

“Quizizz Online ne’e, atu fasilita dosente sira, iha fatin ne’ebé de’it bele fó avaliasaun materia sira liuhusi online, nune’e treinamentu apliksaun ida ne’e importante tebes ba dosente nomós estudante sira hotu”,dehan

Nia hatutan, treinamentu ida ne’e sei hala’o durante loron ida tomak no sei hetan sertifikadu, tanba ne’e, ohin dosente sira hotu husi fakuldade neen mak partisipa iha treinamentu ida ne’e.

Entretantu partisipa iha treinamentu aplikasaun Quizizz Online ne’e, Vise Reitór Asuntu Akadémiku, Sr. Joaninho Xavier Hei, Lic. CSH.,M. Ed. Dekanu Fakuldade 6, Xefe Departamentu sira, Pro-Reitor sira, nomós Dosente sira hotu husi Fakuldade Neen. Formador husi Embaixada Indonesia, Alfred Boby Tankonda, S.S.,MA (Tesol). Prof. Dr. Phil Ikhfan Haris, ho ekipa.