DOSENTE UNPAZ NAIN 36 FINALIZA ONA FORMASAUN PEDAGOJIA BA ETAPA DA VI

DOSENTE UNPAZ NA’IN 36 FINALIZA ONA FORMASAUN PEDAGOJIA BA ETAPA DA VI

Dili-Universidade da Paz (UNPAZ) realiza serimónia enseramentu formasaun pedagojia ba Dosente hamutuk na’in tolu nulu resin neen (36) ne’ebé finaliza ona formasaun Pedagojia ba etapa da VI nian, iha Salaun Polísia Akademia Comoro (19/12) horseik.

Komandante Komandu Pessoal no Formasaun, Arquimino Ramos, hateten bainhira ita hahu kursu ida ne’e, ita hasoru laloran bo’ot no duvidas barak husi públiku, maibe duvidas sira ne’e, tanba sira seidauk partisipa iha kursu pedagojia no koñese didi’ak pedagojia, tanba ne’e atu dehan de’it katak, ita tama iha aula fahe informasaun ne’e fasil, maibe difisil atu elabora materia ne’e mak la fasil, ho ida ne’e presiza ita nia esforsu maka’as, nune’e bele sai fasil hodi elabora no hanorin iha aula di’ak liu ba estudante sira atu aprende ho di’ak.

“Espera katak imi na’in 36 ne’ebé remata ona kursu pedagojia, sei bele partisipa iha graduasaun tinan oin, maibe depende ba ida-dak nia esforsu, balu lalais no balu sei kleur. Ho ida ne’e, Parabens ba imi na’in 36 ne’ebé finaliza ona kursu pedagojia, ho ida ne’e iha tempu badak ita sei realiza graduasaun”,dehan Komandante Arquimino.

Entretantu partisipa iha Enseramentu Formasaun Pedagojia ba etapa da VI ne’e, Komandante Komandu Pessoal no Formasaun, Arquimino Ramos, ho Komitiva tomak, reprezenta Magnifiku Reitór, Pro-Reitor DRH, ekipa husi IQA UNPAZ, nomós Dosente sira hotu.