DOSENTE FAKULDADE EKONOMIA LANSA ONA NIA LIVRU AKADEMIKU RUA IHA SEMANA NEE

DOSENTE FAKULDADE EKONOMIA LANSA ONA NIA LIVRU AKADEMIKU RUA IHA SEMANA NE'E

Dili. Universidade da Paz ninia Dosente husi Fakuldade Ekonomia lansa ona nia livru akademiku rua iha Biblioteka Xanana Gusmao reading room. Livru akademiku rua iha loron tersa feira 15 Abríl 2025 ho nia titlu, Pilar Pembangunan Pedesaan no metodologi penelitian kuantitatif.

Dosente Fakuldade Ekonomia, Dr. Alexandre de Sousa Guteres, Lic. Eco.,MM, hateten katak hanesan Dr no Dosente ita iha dever atu uja obras rasik liu husi maneira peskija atu nune'e sai hanesan ita nia obra ida hodi bele utilija fila fali ba iha Estudante sira hodi nune'e Livru ne'e bele sai referensia ba sira nia hakerek proposa, Skripsi no ba teze.

Iha Sorin seluk Direktur Biblioteka Xanana Gusmao reading room, apresia ho esforsu husi Eskritor ne'e tamba nia iha kreatividade, inisiativa, Vontade no Badinas hodi hakerek livru ne'e hanesan dezenvolve obra rasik.

hanesan Dosente Fakuldae Ekonomia lansa livru akademiku rua iha semana ne'e. Livru sira ne'e sei kontribui ba edukasaun iha área peskija no sei ajuda ba estudante sira atu komprende matéria liu husi perspetiva dosente nian.

Livru akademiku rua ne'e sei sai hanesan fonte importante ba informasaun no konesemento iha área Peskija nian no sei ajuda ba desenvovimentu intelektuál no profissionál sira ne'ebé interese iha área ne'e.

Direktur ne'e, hatutan tan sei tau Livru rua ne'e iha biblioteka Xanana Gusmao reading room hodi Estudante sira bele le'e no hanesan mós sai referensia ba estudante hotu ne'ebé mak mai iha Biblioteka nee.

Lansa livru ne'e asiste husi Estudante, Dosente, media no grupu Xanana Gusmao reading room