DOSENTE FACULDADE ECONOMIA, DEPARTEMENTO EMPRENDEDORISMU UNPAZ KONESIMENTU IHA FORMASAUN PROFESSIONA

Dosente Faculdade Economia, Departemento Emprendedorismu UNPAZ, Sra. Elsa Soares, hetan mos konfiansa hodi fahe konesimentu iha Formasaun Professional Kona ba "NEGOSIU TURIZMO & TOUR GUIDE" ba iha participantes sira husi Nucleo ATR-TL (Catholic, Muslim, Protestant, Confucius).

Formasaun nee realiza husi Kolaborasaun Operador de turistico TIMOR SIGHTSEEING no ATR-TL, neebe suporta husi GASC.

Objectivo principal husi Formasaun nee mak:

1. Identifika rekizitu setór turizmu no infraestrutura

2. Rekonese destinasaun turístiku

3. Distingui turista sira no komunika ho sira iha situasaun komún

4. Aplika prinsípiu matadalan turístiku

5. Bele kria planu viajen (itinerary ) & pakote Turismo (Tour Package) neebe kreativo no atraktivo hodi oferese ba iha targeto Merkado sira (Turista).

Entretanto iha Formasaun refere Estudante Emprendedorismu UNPAZ Semester III, ho Naran: Ribel de Araujo hetan mos opportunidade hodi tuir Formasaun ba loron 9 nee (Theoria loron 6, praktika Guide ho turista loron 3), Itinerariu Tour kria hamutuk iha exercicio grupo. Iha biban nee mos, Ribel haktuir katak Nia sente Kontenti tebes bele hetan opportunidade refere tamba hanesan joven Nia hakarak tebes aprende buat hotu Liu-liu area negosiu Turismo, tamba negosiu Turismo hanesan setor neebe importante tebes hodi dezenvolve Timor- Leste, ita hatene katak mina sei hotu, setor nebe sei mantein hodi tulun ita Nia Rai nia ekonomia mak negosiu Turismo nee rasik.