DOMINGO DAHAT NO FERIADU NASIONAL DALA IDA ESTRUTURA UNPAZ NO FUNSIONARIU NAFATIN OBEDESE BA SUPERIO

DOMINGO DAHAT NO FERIADU NASIONÁL DALA IDA ESTRUTURA UNPAZ NO FUNSIONARIU NAFATIN OBEDESE BA SUPERIOR

Dili, 06 Abril 2025 - Universidade da Paz (UNPAZ) liu husi Estrutura universidade no Funsionariu kumpri nafatin karta sirkular hodi halao servisu fisiku ba loron domingo ohin ba domingo ba dahat ona no Feriadu Nasional dala ida, dosentes fakuldade 7 no funsionariu Unidade nomós Fakuldade hotu, nafatin obedese no loyalidade ba superior hodi apoiu servisu lojistika no patrimoniu ba infrastrutura (Memorial Institusional), bazeia ba orientasaun husi Magnífiku Reitór UNPAZ, Dr. Adolmando Soares Amaral, Lic. Eco.,MM.

Servisu fiziku ida ne’e, bazeia ba observasaun apoiu servisu lojistika no patrimoniu hala’o ona ba loron lima, maibe nia volume servisu seidauk atinji, ho ida ne’e, Magnífiku Reitór núdar (Superior Universidade da Paz) fó orientasaun ba rekursu humanus atu hasai karta sirkular ba apoiu servisu fisiku ne'e.

Estrutura nafatin enkoraza aan atu kontinua aprende, pasensia, haraik aan, badinas, pontualidade iha knár lor-loron nian n’uudar Dosente no funsionariu hatudu nafatin onestidade la’o tuir regra, obedese ba superior sira tau interese UNPAZ aas liu duke interese privadu. Hadomi profisaun nu’udar Dosente no funsionariu sai modelu iha profisaun ba profesional di’ak hodi serví Unpaz ba futuru.

Entretantu iha servisu ne’e, partisipa husi dosentes fakuldade 7 no funsionariu Unidade nomós Fakuldade hotu, ne’ebe observa direita husi Magnífiku Reitór UNPAZ, Dr. Adolmando Soares Amaral, Lic. Eco.,MM.