Diskripsaun Koinesementu no Hahalok Inan Nian Konaba Prevensaun Moras Diarreia ba Labarik idade 5 i

Diskripsaun Koinesementu no Hahalok Inan Nian Konaba Prevensaun Moras Diarreia ba Labarik idáde <5 iha Sentru Saúde Komunitária Comoro,

Postu Administrativu Dom Aleixo, Municipiu Dili

Tinan 2021

 Ana Alice Moniz, Oscar Seixas da Cruz, Cleofas Da C. Seixas

Faculdade Saúde Publica, Universidade da Paz 

Abstraktu

Diarreia hanesan moras hadaét neébe akontese soe liur boót liu dala 3 iha loron idá, no mudansa iha frekuensia inklui konsistensia ho beén. Tuit (OMS 2013 iha Morago: 2016), moras diarreia sempre hamosu risku morbilidade ba labarik idáde tinan <5 kuaze 1,7 milliaun no risku mortalidáde kuaze 760.000 iha mundu tomak kada loron maijemenus 1.400 husi labarik mate tamba diarreia. Diarrea hanesan risku mortalidáde segundu (2) ba labarik idáde tinan <5 iha mundu. Iha nasaun dezemvolvidu labarik sira hetan diarrea kauza husi fator inan, inan hanesan ema neébe besik no koidadu saude labarik. Risku akontesementu diarrea ba labarik tamba fator konesementu no hahlok inan ladun diak hodi kuidadu ijene labarik, sanitasaun ai-hahan no sanitasaun ambiente neébe la saudavel hodi hamosu risku boót ba labarik. Metodu peskiza deskritivu kuantitátivu ho aproximasaun cross-sectional, papulasaun 189 no amostra hamutuk 65. Teknika analiza dadus univariat ho bivariate no teste Chi Square. Rezultadu teste hatudu katak iha signifikansia entre koñesimentu inan nian ba hahalok prevensaun moras diarreia ba labarik idade <5 p = 0.009 (p<0.05). Hakarak fó sujestaun ba parte relevantes presiza tau importansia ba programa moras hadaétt, no presiza sosializa infórmasaun ba inan sira, hodi nune’e bele hasa’e koñesimentu inan sira nian konaba moras hadaétt liu-liu ba moras diarreia ba labarik sira.

Lifuan Save: Koñesimentu, Hahalok Prevensaun Moras Diarreia

Atu Hetan Detalho Ida Ba Jurnal Bele Klik Iha Ne'e: