DIRETOR UNPAZ RAMU SUAI HUSU BA ESTUDANTE SIRA TENKI KRIA PAS IHA SUAI

DIRETOR UNPAZ RAMU SUAI HUSU BA ESTUDANTE SIRA TENKI KRIA PAS IHA SUAI

Suai 24/09/2024 Universidade da Paz (UNPAZ) liuhusi Diretor UNPAZ Ramu Suai hala'o reuniaun hamutuk ho Estudnate estájiadu/a sira Husi Departamentu Enfermagen ne'ebé foin To'o husi Ermera, Maubara no Laulara atu hala'o pratika iha sentru Saúde Covalima, tenki kria pas no estabilidade, labele halo problema tenki koidadu almamater UNPAZ.

Diretor UNPAZ Ramu suai Sr. Silvester Fereirra, Lic. Eco.,MM. Hateten ami Iha suai Iha responsabilidade moral atu asegua Ita bo'ot sira durante hala'o atividade pratika Iha suai, maibe Ita bo'ot sira tenki hatene imi mai Iha suai ne'e ho objetivu ida, tanba prosesu tomak antes imi to'o mai Iha ne'e imi hetan ona orientasaun husi dosente sira katak, saida mak imi atu halo Iha suai no rai iha Suai

“Imi aogra mai troka fali sira ne'ebé Mai durante semana tolu Iha suai tanba ne'e husu ba imi labele atu halo problema Iha suai durante imi nia prosesu pratika Iha suai, ho Ida ne'e husu ba imi atu hala'o atividade ho seriu, nune'e semana tolu nia laran Ita bo'ot sira-nia atividade bele la’o ho di'ak, se mak halo problema atividade pratika sei halo kanselamentu no tinan oin Mak sei kontinua fali, tanba ne'e imi tenki koidadu almamater UNPAZ”,dehan Diretor.

Nia husu ba estudante sira hotu atu kontrola an didi'ak ba iha sentru Saúde sira atu apriende buat ruma, tanba ne'e imi tenki tama tuir oras ne'ebé mak iha, tanba Ita bo'ot sira Mai ho objetivu.

Iha Sorin seluk, Reprezenta dosente orientador, Sr. Honorio Pereira Vicente, Lic.SP., M.Kes, husu ba estudnate sira atu rona saida mak dosente sira ko'alia, tanba Ita hotu mai husi UNPAZ, tanba ne'e husu estudante sira atu respeita ambiente suai no labele halo erru ruma iha suai, hala'o mak imi nia atividade IHA sentru Saúde sira, nune'e durante semana tolu iha ne'e atividade bele La'o ho di'ak no imi bele apriende buat ruma husi suai

entretantu partisipa iha reuniaun ne'e, Dosente orientador Sira Mak hanesan: Sra. Teresina Ribeiro Goncalves, Lic.SP, M.SP. Sr. Cesaltino Maria Pires, Lic.SP.,M.SP. Sr. ANDRE SOARES DOS SANTOS. S.KEP, NERS. Sr. Honorio Pereira Vicente, Lic.SP., M.Kes, Sr. Aniceto da Conceicao Pacheco, Lic.SP., M.SP. inklui Estudnate Sira.