DIREITU LABARIK NEEBE ABANDONADU HUSI NIA AMAN ATU HETAN ALIMENTASAUN BAZEIA BA ARTIGU 1799 KODIGU

DIREITU LABARIK NEEBE ABANDONADU HUSI NIA AMAN ATU HETAN ALIMENTASAUN BAZEIA BA ARTIGU 1799 KODIGU SIVIL TIMOR – LESTE

Fakuldade Direitu Universidade da Paz (UNPAZ)

Autor: Sebastiao Freitas Email.swaidera25freitas@gmail.com

2) Dr. Guido G. Moniz  Lic.Dir.,M. Hum Email.monizguido14696@gmail.com

3) Joco Sarmento Capela, Lic.Dir.,MD

ABSTRATU

Nasaun Timor – Leste ratifika ona Konvensaun Internasional ba Direitu Labarik atu inspira Estadu no Povu Timor-Leste atu fo protesaun no tane aas interese direitu labarik. Ho nune’e, Timor – Leste iha ona Kodigu Labarik iha 2011 no Lei no. 6/Marsu/2023. Kodigu labarik nudar matadalan ba sosiedade no Estadu tomak atu hola medidas bainhira labarik ruma hetan problema ka iha perigu nia laran. 

Peskiza monografia ida ne’e ho tipu peskiza Normativu katak peskiza ne’ebe halao ba lei no regulamentu sira, iha ne’e bele hare’e husi leten mai -tun (vertical) hirarkia lei no regulamentu sira no mos relasaun harmonia entre lei ho lei sira (horizontal) no ninia relevansia ho problema ne’ebe mak nudar foka husi peskiza ne’e rasik.

Nune’e, peskiza ida ne’e rezulta, aman ne’ebe la kumpri nia dever, mak pesoal responsavel ba labarik, bele prosesa ba iha Tribunal tuir Kodigu Prosesu Sivil Timor – Leste artigu 831, 832,833,834, 835,836 no 837. Nune’e aman kumpri fali nia dever tuir Kodigu Sivil Timor-Leste artigu: 1758,1759,1765,1871, 1877 no 1883.

Peskiza ida ne’e mos halao estudu kazu iha organizasaun Asistensia Legal ba Feto no Labarik(ALFeLa), ba kazu 2; kazu 2 ne’e hotu, aman mak abandona nia oan sira. Nune’e, labarik nia inan lori kazu ne’e ba Tribunal liu husi ALFeLa nia apoiu. Iha Tribunal, aman sira konkorda no simu responsablidade ba labarik sira nia alimentasaun no vizita iha tempu feriadu no fin de semana. Enkuantu guarda iha inan ninia responsablidade.

Ho ida ne’e sosiedadade Timor –Leste tenke foti asaun ruma, bainhira aman abandona nia oan sira atu informa ba Ministeriu Publiku. Babain, organizasaun sosiedade sivil, hanesan ALFeLa mak linha primeira iha fornesementu legal ba labarik sira ne’ebe aman rasik abandona ka sira ne’ebe ninia direitu hetan violasaun,

Lia fuan Xavi: Direitu Labarik, Abandonadu no Alimentasaun

Atu Hetan Detalho Ida Ba Jurnal Bele Klik Iha Ne'e: