DEPARTAMENTU RI UNPAZ HETAN VIZITA HUSI BIRBINGHAN UNIVERSITY UK
Dili-Universidade da Paz (UNPAZ)- liuhusi departamentu Relasaun Internasionál fakuldade Ciências Sociais e Humana, hetan vizita husi Birbinghan University UK, Profesora Dra. Kate Price hodi hala’o diskusaun ho estudante sira kona-ba Protesaun Sosiál. Iha aula FCSH (22/11).
Liuhusi diskusaun ne’e xefe departamentu RI, Sr. João Francisco Maia, Lic.CSH., MDS, hateten vizita husi Birbinghan University UK, Profesora Dra. Kate Price ne’e atu haree kona-ba protesaun sosiál no mós asuntu moris familia nian.
“Ita hetan vizita ida husi profesora ida husi inglaterra mai vizita ita-nia kampus nomós distritu sira seluk, maibé iha nia vizita ne’e iha de’it diskusaun ho estudante sira kona-ba protesaun sosiál ne’ebé haree ba asuntu moris familia nian ho sira-nia rendimentus oinsá atu haree bá sira-nia nesesidade uma-laran nomós asuntu barlakeadu” dehan Xefe Departamentu.
Xefe departamentu ne’e esplika liután, aleinde halo diskusaun ho etsudante sira kona-ba protesaun sosiál, estudante sira mós aproveita tempu hodi prátika sira-nia lingua English liuhusi diskusaun",dehan Nia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
