DEPARTAMENTU ESTUDU BA PAZ REALIZA SEMINARIU KONA-BA EDUKASAUN BA DAME

DEPARTAMENTU ESTUDU BA PÁZ REALIZA SEMINÁRIU KONA-BA EDUKASAUN BA DAME

Dili-Universidade da Paz (UNPAZ), hamutuk Southeast Asian University Partnership (SAUP), liuhusi departamentu estudu da páz, fakuldade ciências sociais e humana, realiza semináriu ho tema “Importánsia Edukasaun Páz ka Dame Nian Ba Foinsa’e Sira Iha Timor-Leste”. Iha aula Profesór Doutor Lucas da Costa (23/11).

Liuhusi semináriu ne’e, Xefe Departamentu Estudu ba Páz Profesora Rosalia dos Santos hateten, objetivu husi semináriu ne’e, oinsá sai belun di’ak liután ba oin hodi ko’alia kona-ba páz, tanbá nu’udar ema presija kria páz iha fuan liu-liu iha moris nian, liuhusi edukasaun oioin ne’ebé bele aumenta tán ita-nia koñesimentu.

“Semináriu ne’e hanesan parte ida atu sai belun ba oin, hodi hasoru malu bebeik hodi ko’alia kona- ba páz, tanbá nu’udar ema ita presija páz iha ita-nia fuan iha moris nian. Tanbá ita hatene katak edukasaun la’os buat foun ba ita, ita hahú moris mai, ita hahú ho edukasaun informál husi familia rasik, depois ita sai husi ita-nia familia ita apriende mós kona-ba edukasaun formál. Ita apriende iha akadémika ita apriende ona edukasaun não-formál, ne’ebé aumenta tan ita-nia koñesimentu liuhusi kursu no atividade seluk ne’ebé hola parte iha edukasaun não-formál ninia. Husi parte hirak ne’e, ajuda tebes ita atu forma ita kria páz iha ita-nia relasaun moris nian”, dehan Xefe Departamentu.

Xefe departamentu ne’e saliénta, benefísiu lolo’os husi estudu ba páz ne’ebé forma ona ha’u sai feto líder ida, liuhusi ha’u nia karaterístika no forma ona ha’u nia koñesimentu no hakle’an ona durante apriende iha UNPAZ, liu-liu iha departamentu estudu ba páz. Ho ida ne’e, ha’u senti lolo’os edukasaun ninia vantajen kona-ba páz iha ha’u-nia moris, liuhusi parte hotu ne’ebé fó konfiansa hodi bele tuir formasaun husi parte não-formal ninian iha nasionál no internasinal. Husi ida ne’e nu’udar umanu senti katak, edukasaun importante tebes mai ita la’os ho valór de’it, maibé buat ne’ebé ita apriende bele tau ba iha prátika iha ita-nia moris.

Entretantu iha seminariu ne’e orador prinsipal na’in tolu husi, Xefe Departamentu RI, Sr. João Francisco Maia, Lic.CSH., MDS, hDosente (RI),Sr. Anzerino Veira Dirson Imaculada do Carmo Rico. Partsisipa iha semináriu ne’e, estrutura husi FCSH, estudante sira husi Eskola Sekundaria Jerál An-Nur Dili nomós estudante sira husi departamentu Estudu da Páz, mós organiza husi ekipa Programa SAUP UNPAZ.