DEPARTAMENTU ESTUDU BA PAZ ORGANIZA SEMINARIU FAHE ESPERIENSIA KONA-BA FUNU

DEPARTAMENTU ESTUDU BA PAZ ORGANIZA SEMINARIU FAHE ESPERIENSIA KONA-BA FUNU

Dili-Universidade da Paz (UNPAZ) liuhusi Departamentu Estudu ba Paz Fakuldade Siensia Sosiais Humana, Organiza seminariu kona-ba “Fahe Esperiensia Funu, Rekonsiliasaun, Rekonstrusaun Estadu Lisaun Husi Rwanda ba Timor-Leste”, ne’ebé oradór husi Head of the legal Departament Rwanda Coperation (RCI), Mr. Desire Gasana Rwangeyo no Moderadór, Dr. Felix Piedade, Chief Operating Officer of g7+, iha Salaun Jose Kasimiru (18/10/24).

Iha abertura Vise Reitor Asuntu Programa Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. ne’ebé reprezenta magnífiku reitór hateten, Timor-Leste hansan nasaun ne’ebé foin hahu ukun aan, ne’ebé mai ho istória ne’ebé mak naruk husi tempu português mai to’o tempu Indonesia no mai to’o ukun aan agora, istória ne’ebé ita haree no estuda barak tebes, maske ita la’os parte ida husi istória ne’ebé ita nia avo sira rai hela mai ita.

“Husi istória sira ne’e hotu bele hato’o ba ita lisaun balu ne’ebé ita bele banati tuir husi espiritu ne’ebé sira rai hela mai ita, tanba agora ita tama ba iha tempu ukun aan oinsa bele dezenvolve ita nia rai ida ne’e ho di’ak”,dehan Vise Reitór Programa Mestradu no Doutoramentu.

Nia esklarese, Nasaun Rwanda hanesan mós nasaun Timor-Leste husi konflitu ne’ebé mak naruk tebes, tanba ne’e iha prosesu rekonstrusaun hanesan lisaun ne’ebé nasaun Rwanda iha, ita presiza estudu liuliu husi estudante relasaun internasional nomós estudu ba paz, ida ne’e hanesan lisaun di’ak ba imi hodi bele haree oinsa prosesu ida ne’e bele la’o no ita bele sai husi funu ba liafuan ida rekonsiliasaun.

Entretantu partisipa iha eventu ne’e, Orador, Mr. Desire Gasana Rwangeyo, Head of the legal Departament Rwanda Coperation (RCI), Moderadór, Dr. Felix Piedade, Chief Operating Officer of g7+, Estrutura husi FCSH, Dosente sira inklui estudante sira iha Universidade da Paz.