DEPARAMENTU EMPRENDEDORISMU FAKULDADE EKONOMIA HAKAT BA AKREDITASAUN

DEPARAMENTU EMPRENDEDORISMU FAKULDADE EKONOMIA HAKAT BA AKREDITASAUN

Dili-Universidsde da Paz (UNPAZ) nia fakuldade ekonomia departamentu Emprendedorismu hetan avaliasaun husi Ageência Nacionál Avaliação Akreditação Académiku, Institutu Público (ANAAA, l.P.) no Painelista ba avaliasaun ne'e husi internasionál no nasionál, nune'e bele hetan akreditasaun ba tinan akadémiku 2023, iha Aula Prof.Dr. Lucas da Costa (26/07).

Magnífiku Reitór Universidade da Paz, Dr. Adolmando Soares Amaral, Lic.Eco.,MM. esplika ohin ministériu ensinu superior nomós ANAAA mai abertuba akreditasaun institusionais no programatiku, iha UNPAZ, tanba ne’e UNPAZ hahú ho programátika emprendedorismu ne’ebé durante tutela ba iha fakuldade ekonomia, no iha dia 02-03 sei kontinua ho rea-akreditasaun ba departamentu Bankaria, Jestaun no Kontabilidade, fulan setembru sei kontinua mós ho programátika ba fakuldade enjeñaria ba departamentu Arkitetura no Indústria.

Nia dehan, avaliadór sira mai ne’e, ita ko’alia ba buat ne’ebé mak ita hakerek no ita hatan ba buat ne’ebé ita halo, nomós sira la mai julga ita, sira mai haree no fó rekomendasaun, para ita bele hadia di’ak liu tán iha tempu sira tuir mai, tanba akreditasaun ne’e, atu sukat kualidade instituisaun, fakuldade no programa estudu sira, atu investe iha parte sira ne’ebé mak ita hetan rekomenda, ita tenki tau konsentrasaun ba investimentu iha área sira ne’e.

“Hanesan instituisaun ita tenki optimista, ko’alia ba buat ne’ebé ita hakerek ona no hatan ba buat ne’ebé ita halo ona, maibé seidauk to’o ba avaliadór sira nia hakarak, maka ita tenki organiza aan nafatin no motiva malu atu bele la’o to’o ne’eba, maibé la’os tan rezultadu mai la di’ak ita la iha vontade ona, rezultadu ne’ebé la di’ak mak atu motiva ita servisu maka’as no mellora di’ak liután iha tempu sira tuir mai”,tenik Reitór UNPAZ.

Entretantu iha avaliasaun akreditasaun programátiku Emprendedorismu ne'e: Painelista internasionál, Prof. Dr. Maniam Kaliannan nomós painelista nasionál Dr. Helio A. da Costa Xaver no Dr. Jonio Soares, ho ekipa sira.

Partisipa avaliasaun akreditasaun programátiku ne’e, Magnífiku Reitór Universidade da Paz, Dr. Adolmando Soares Amaral, Lic.Eco.,MM. Prezidente Konsellu Administrasaun Fundasaun Neon Metin ho Estrutura. Vise-reitores, Pro-reitor, Dekanu fakuldade neen, Xefe Departamentu sira, Diretór/a Unidade sira, Dosentes, Funsionariu inklui Estudante Alumi sira.