DEKANU FTA HO DOSENTE ORIENTADOR KONVOKA RENIAUN HO ESTUDANTE PAK SIRA IHA RAEOA.
RAEOA Universidade da Paz (UNPAZ) liu-husi Dekanu Fakuldade Teknologia Agrikola akompania husi dosente orientador konvoka reniaun hamutuk ho estudante Pratika Aprendisajen Kampu sira iha Kampus ramu RAEOA, 10/04/24.
Hato'o husi Dekanu Fakuldade Teknologia Agrikola, Eng. Joni dos Santos, M. Agr, katak ami hanesan imi nia aman no imi nia maun nafatin fo hanoin ba imi, lilu-liu Fakuldade Teknologia Agrikola.
Tamba ita Fakuldade ne'ebe mak kiik liu, neduni hau husu para atu asigura ita nia almamater Biro no kaos matak Fakuldade nian iha komunidade Oecusse sira nia le'et, inklui mos ohin sei destaka sira ba Suco lima, mak hanesan, Suco Taiboco, Nipane, Lalisuk, Cunha, no Suco Costa, maske durante ne'e sira tun tia ona ba baze hodi foti dadus, maibe tuir orariu ne'e ohin mak ita sei lori sira ba intrega simbolika ba autoridade sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
