DEKANU FSPeCM APREZENTA EZAME DOUTORAMENTU BA DAHULUK

DEKANU FSPeCM APREZENTA EZAME DOUTORAMENTU BA DAHULUK

Universidade da Paz (UNPAZ), nia Dekanu Fakuldade Saúde Públika e Ciénsia Medica (FSPeCM) Dr. Martinus Nahak Lino, FSPeCM Dr.Martinus Nahak Lino, AMKL.,Lic. SP.,M. AP.,M.SP. realiza ezame doutoramentu ba dahuluk ho maktaka liuhusi online Zoom, ne'ebé realiza iha aula programa Maestradu( 15/06).Quinta ne'e.

Dekanu FSPeCM hateten, ezame ne'ebé iha halo indikadór sira kontenti tanbá títulu ne'ebé mak iha, tuir kondisaun ne'ebé mak Timor hasoru, bazeia ba estratéjia no planu dezenvolvimentu ne'ebé mak establese.

"Ohin ezame hahú oras rua nia laran maibé ha'u aprezenta 30 minutus, depois hahú ona ho konfirmasaun ho pergunta ne'ebé profesór na'in tolu, Dr. Nain haat no ezamindor na'in hitu sira fó ezame ba ha'u. Sira kontenti tanbá títulu ne'ebé ha'u foti relevante ho kondisaun Timor nian bele mós kontribui ba situasaun governu hodi bele haree liubá governu kona-ba planu estratéjiku, planu mediu prazu tinan 5 depois ho planu operasionál no planu anuál. Atu nune'e ita hotu-hotu iha komitmentu iha organizasaun instituisaun ida ne'ebé variabel ne'ebé ha'u foti sai hanesan mós kultura organizasaun ninian ba planu estratéjia dezenvolvimentu nia lala'ok iha implementasaun nomós ligadu ho estratéjiku ba lideransa atu nune'e bele haree kona-ba vizaun husi planu estratéjia dezenvolvimentu, atu nune'e bele atinji saida mak ita nia mehi ba povu ida ne'e," dehan dekanu.

Dekanu esklarese liután, konestu ne'ebé iha ha'u foti husi akadémika atu haree kona-ba kontestu instituisaun ninian hodi bele ajuda no haree indikadór sira, ha'u uza variabel sira ne'ebé ha'u determina no foti mós konsiénsia husi estratéjia hanesan variabel mediasaun atu bele sai fontes ba atinjimentu planu estratéjia dezenvolvimentu nasionál ninian. Tanbá iha kontestu agora dadaun ita iha diferente smart, diferénsia barak maibé iha mós planu estratéjiku tenki konsiénsia ho estratéjia ne'ebé tenki ligadu ho lideránsa iha instituisaun ne'ebé sira lidera. Depois bele sai lisaun bele sai mós refensia balun ba peskiza ne'ebé universidade aban bainrua sei la'o iha jestaun estratéjiku. Ha'u foti pontus estudu ne'e ohin ha'u bele dehan ezame maktaka (tertutup) antes atu bá ezame terbuka/ nakloke entaun ita sei hetan títulu doutoramentu nian, tanba ne'e ha'u sei ba Surabaya indonésia iha dia 10 jullu hodi bá tuir ezame nakloke (terbuka) iha Universitas Katolik Widya Mandala Surabaya.