DEKANU FSP ENTREGA ONA DOKUMENTU ESTUDU BIABILIDADE BA DEPARTAMENTU 6 HUSI FSP BA REIT0R UNPAZ

DEKANU FSP ENTREGA ONA DOKUMENTU ESTUDU BIABILIDADE BA DEPARTAMENTU 6 HUSI FSP BA REITÓR UNPAZ

Dili-Universidade da Paz (UNPAZ) nia Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. ofisialmente entrega ona dokumentu ba Magnifiku Reitór, Dr. Adolmando Soares Amaral, Lic. Eco.,MM. kona-bá estudu biabilidade ne’ebé hala’o durante fulan haat ba iha departamentu neen, husi FSP ne’ebé atu hetan lisensa operasionais, iha Aula Prof. Dr. Lucas da Costa, (14/05).

Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. hateten, ami halo estudu biabilidade ba Departamentu neen, tanba Universidade hari’i ona Fakuldade Saúde Públika enjeral ona, maibe iha departamentu ne’e ita persija halo estudu biabilidade para ita hetan Peedback husi Stecoler sira, kona-bá ita hari’i departamentu neen, oinsa sira nia persepsaun kona-bá departamentu ne’e oinsa, no nia importansia ne’e saida, nia satisfasaun ne’e saida, ida ne’e mak ita halo estudu biabilidade ne’e durante fulan haat semana tolu.

“Dokumentus sira ne’e remata ona, ohin ami aprezenta ba iha Magnifiku Reitór, depois Universidade haruka karta ba Ministériu Ensinu Superior, hodi mai halo evaluasaun ba departamentu 6, Departamentu Saúde Ambiental, Ciénsia Epidemilogia, Jestaun e Politika Saúde, Saúde Reprodutiva, Biostatistika Informasaun Saúde, atu nune’e bele hetan lisensa operasional”,dehan Dekanu FSP.

Entretantu, dokumentus ne’e, entrega direta husi Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. ba iha Magnifiku Reitór, Universidade da Paz, Dr. Adolmando Soares Amaral, Lic. Eco.,MM. nomós hetan akompña husi estrutura Universidade.