DEKANU FAKULDADE ENJEÑARIA HO FINALISTA DEPARTAMENTU ARKITETURA HARII PLAKA IDENTIFIKASAUN (PAPAN NAMA) UNPAZ KAMPUS B LIQUIÇA.
Dili-Universidade da Paz (UNPAZ) Dekanu Fakuldade Enjeñaria UNPAZ, Sr. José Manuel Maniquin, AP., Lic.Eng., M.Eng., iha Kampus B UNPAZ Liquiça deklara katak, objetivu harii plaka identfikasaun UNPAZ iha kampus Liquiça, atu fó informasaun ba públiku sira kona-ba ezistensia Universiadde da Paz (UNPAZ) kampus sanak Liquiça, ne’ebé durante ne’e sosiedade preokupa no husu kona-ba fatin ka diresaun UNPAZ no ida ne’e mós hanesan identidade husi Universidade da Paz, iha Kampuz Sanak UNPAZ Liquiça (07/08) horseik.
Maniquin hatutan katak, antes atu realiza programa ne’e hanesan Dekanu informa ona ba Magnifíku Reitór Universidade da Paz, Dr. Adolmando Soares Amaral, Lic.Eco., MM. katak material hodi halo obra ne’e mai husi estudante finalista Departamentu Arkitetura no sira rasik mak sai nu’udar mão de obra no hetan apoiu husi Diresaun Jéral Administrasaun no Finansas Unpaz, hó informasaun ne’ebé iha bele responde no fó ona informasaun ba sosiedade kona-ba ezistensia UNPAZ Kampus Liquiça.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
