DEKANU FAKULDADE EKONOMIA SAI ORADOR BA WORKSHOP INTERNASIONAL IHA BANDUNG-INDONESIA
Universidade da Paz (UNPAZ) nia Dekanu Fakuldade Ekonomia, Dr. Alexandre de Souse Guterres, Lic. Eco.,MM. sai orador iha workshop internasional ba programa masteradu Universidade Sangga Buana (YPKP), Bandung, Indonesia ho tematika Manajemen Talent.
Dekanu Fakuldade Ekonomia, Dr. Alexandre de Souse Guterres, Lic. Eco.,MM. haktuir iha nia palestra katak, iha tempu mellinial organizasaun barak iha dever atu dezenvolve rekursu humanu, bazeia ba talentu ne’ebé maka staff ida iha. Rekursu humanu ne’ebé maka iha talentu forsa sei halo mós organizasaun ida forsa. Atu kontrola no fó valor ba dezempeñu servisu hosi rekursu humanu ne’ebé maka iha, tenki liuhusi sistema jestaun talentu.
Iha fatin hanesan, Diretor Programa Masteradu YPKP, hato’o nia apresiasaun Dekanu Fakuldade Ekonomia, tanba bele investe nia tempu bele fó nia matenek mai iha sivitas akadémiku programa masteradu YPKP, aliende nia mós sai orador ba konferensia internasional ne’ebé maka universidade halo.
Partisipa iha workshop ida ne’e: Diretor Programa Masteradu YPKP. Ho nia estruktura, Dekanu Fakuldade Ekonomia UNPAZ, Dr. Alexandre de Souse Guterres, Lic. Eco.,MM. inklui estudante maestradu YPKP Bandung-Indonesia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
