DEKANU FAKULDADE EKONOMIA SAI GUEST LECTURE\"KONSEP METODE PESKIZA S1 KONTABILIDADE NO JESTAUN

DEKANU FAKULDADE EKONOMIA SAI GUEST LECTURE"KONSEP METODE PESKIZA S1 KONTABILIDADE NO JESTAUN

Dekanu Fakuldade Ekonomia, Dr. Alexandre de Sousa Guterres, Lic. Eco.,MM. sai Guest Lecture ho tema "konsep metode peskija" S1 ba departamentu Kontabilidade no Jestaun iha Universidade 17 Agustus (Untag) Surabaya-Indonesia.

Hetan konvite hodi bele sai hanesan Guest Lecture ba materia ida ne'e, ha'u senti orgollu tebes, tanba bele reprezenta dosente tomak iha fakuldade ekonomia UNPAZ, hodi bele fahe mós koñesimentu ne'ebé maka ha'u iha ona ba estudante iha rai liur.

Aleinde ne'e, obras ou buku ne'ebé sai referensia ba materia ida ne'e hosi ha'u nia obras ou buku ne'ebé maka ha'u hakerek rasik ho titlu konsep metodologi penelitian kuantitatif. Obras ne'ebé maka ha'u hakerek ona ne'e sai mós referensia iha universidade no institusi 4 ne'ebé maka durante nete sai fatin hatu hanorin ba iha Timor Leste. Inklui aulas iha Untag ne'e, obras ne'ebé maka ha'u hakerek ona la'ós sai de'it referensia iha rai laran, maibe bele habelar liu tan ba rai liur hanesan agora dadauk.

Konvite Guest Lecture ida ne'e mós sai hanesan parte hosi realizasaun kooperasaun servisu hamutuk ne'ebé maka durante ne'e universidade liu hosi fakuldade rua hala'o ona.

Iha fatin hanesan, Xefe programa estudu hosi departementu rua hosi untag katak, aulas ida ne'e Dr Alexandre bele mós fahe ninia matenek no esperensia ne'ebé maka durante ne'e, nia iha hodi bele ajuda no eleva koñesimentu ami nia estudante sira. Aleinde ne'e, Dr Alexandre mós sai hanesan ezaminador ba ezame aberta Doutoramentu ne'ebé maka hala'o hela iha universidade ida ne'e.

Partisipa iha programa ida ne'e Xefe i departementu rua Kontabilidade no Jestaun husi Untag. Dr. Alexandre de Sousa Guterres, Lic. Eco.,MM. no estudante hosi departementu rua.