DEKANU FAKULDADE EKONOMIA SAI DOSENTE BAINAKA IHA UNIVERSIDADE CIPUTRA SURABAYA INDONESIA
Dili-21 de Dezembru 2023, Universidade da Paz (UNPAZ) nia Dekanu Fakuldade Ekonomia UNPAZ, Dr. Alexandre de Sousa Guterres, Lic. Eco.,MM. Liuhusi konvite husi prodi fakuldade ekonomia Universidade Ciputra Surabaya, Indonesia, hodi sai hanesan dosente bainaka iha prodi s1 kontabilidade Universidade Ciputra surabaya, ho materia Gestaun Konflitu.
Nia esplika, Iha prosesu aprendizajem dekanu fakuldade ekonomia unpaz, hato'o katak, konseptu jestaun konflitu sai hanesan, maneira ida ne'ebé organizasaun barak uja hodi bele hasai motivasaun no hadia dezempeñu organizasaun ba futuru ne'ebé maka di'ak liu.
Iha sesaun husu no hatan, estudante ne'ebé maka tuir aulas husu barak kona-ba jestaun konflitu haree ba konteksu organizasaun, sosial, Kultura no polítiku ne'ebé maka akontese iha timor-leste.
Dekano urgullu ho auntusiamu estudante ciputra ne'ebé hakarak hatene los dezenvolvimentu iha timor-leste liu-liu haree husi parte jestaun konflitu nian.
Durante aula ho durasaun oras rua, dekanu hato'o mós dezenvolvimentu timor-leste no jestaun-jestaun konflitu ne'ebé maka agora dadauk akontese iha organizasaun ne'ebé maka ezisti iha timor-leste.
Aulas ida ne'e mós la'ós husi estudante husi universidade ciputra de'it, maibe join mós liuhusii zoom meeting estudante husi fakuldade ekonomia unpaz, Dili.
Xefe dapartementu S1 kontabilidade mós hato'o nia apresisaun ba dekanu ekonomia tanba bele mai ona iha sira-nia universidade hodi bele hato'o hanoin kona-ba jestaun konflitu liu-liu iha timor-leste, tanba ne'e liuhusi informasaun ne'e bele eleva koñesimentu estudante ciputra.
Partisipa iha aulas ne'e, estudante kontabilidade Universidade ciputra nomós estudante fakuldade ekonomia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
