DEKANU FAKULDADE EKONOMIA HALO DISKUSAUN DARUAK HO ESTUDANTE UNPAZ RAMU COVALIMA

DEKANU FAKULDADE EKONOMIA HALO DISKUSAUN DARUAK HO ESTUDANTE UNPAZ RAMU COVALIMA

Dili-Universidade da Paz (UNPAZ) nia fakuldade ekonomia hala’o diskusaun daruak ho estudante fakuldade ekonomia iha Ramu Covalima-Suai, kona-ba transportasaun Massal ba nesesidade Komunidade Covalima nia moris loron-Loron, objetivu husi diskusaun ida ne’e, bazeia ba opiniaun dahuluk kona-ba jestaun di’ak ba dezenvolvimentu governu Munisipiu Suai nian, ne’ebé maka hetan apresia hosi públiku liuliu Covalima-oan, iha Kampuz Ramu UNPAZ Covalima(15/10).

Iha diskusaun daruak ne’e, dekanu fakuldade ekonomia UNPAZ, Dr. Alexandre de sousa Guteres, Lic.Eco.,MM, hamutuk ho estudante fakuldade ekonomia UNPAZ Ramu Covalima , liuhusi observasaun, diskusaun no fó idea hamutuk entre estudante fakuldade ekonomia Suai no Dekanu hodi hal;o analiza no interpreta kona-ba jestaun hira maka hato’o ona iha opiniaun dahuluk, no ta importansia ba jestaun ne’ebé maka sai problema urjente iha sidade Covalima, liu-liu kona-ba jestaun fasilidade ka (sarana prasarana) no transportasaun massal ba públiku Suai.

Sidade Covalima presija tebes transportasaun massal, tanba ida ne’e nu’udar pilár dezenvolvimentu iha área rurál sira, atu nune’e ajuda no fasilita povu sira-nian atividade loro-loron, hanesan ekonómia, eskola, no aktvidade seluk tán.

Husi Programa servisu ne’ebé maka bele kria maka hanesan; Gestaun sistema transpotasaun, Kria transportasaun massal hosi governu hanesan bús, mikrolete ka kareta truk, Servisu hamutuk ho parseiru transportasaun hodi bele kria transpotasaun massal, prepara rekursu umanu no sosializasaun ba rute transportasaun massal no Kualidade transportasaun massal.

Governu Munisipiu suai tenki halo planu no implementasaun kona-ba transportasaun massal, hanesan,

Karik sistema iha ona:

1. tenki kria tipu transpotasaun saida maka presizia hamosu iha sidade no postu. sidade bele bus, mikrolete, ba postu tenki truk no bus.

2. Sei iha investor transportasaun, karik bele: fó presu ne’ebé maka di’ak, iha mós subsídiu transpotasaun massal. Karik laiha governu suai tenki kria mesak transportasaun massal liuhusi planu orsamentu ne’ebé maka iha.

3. Karik iha investor, tenki iha supervizaun kualidade transporte, rekursu umanu no atendimentu. Karik laiha governu suai tenki kria no prepara.

4. Kualidade atendimentu bele manuál bele mós dijitál.

Liuhusi planu no implementasaun hirak iha leten bele hasai atividade ekonomia no bisnis iha Covalima nune’e dezenvolvimentu suai bele di’ak liu ba futuru.