#UNPAZ# 07 OUTUBRU 2021
CVTL OFERESE TANKI BE’E NIAN RUA BA IHA UNPAZ
Dili-Universidade da Paz (UNPAZ) liuhusi Kruz Vermelha Timor-Leste (CVTL), oferese tanki be’e nian rua ba iha Estudante UNPAZ, hodi utiliza ba fase liman molok tama iha aula, iha Kampus UNPAZ (07/10).
TEAM Leader, Sr. João Baptista, hateten tanki ne’e sira hetan apoiu husi Ministeriu Saúde, no produz husi Kruz Vermelha, hodi distribuisaun ba iha fatin sira ne’ebé persiza, no primeiru haree liu-liu ba iha eskola sira, hanesan UNPAZ, UNITAL, KRISTAL, UNDIL, ho Universidade seluk tán ne’ebé presiza.
Pro Reitór Asuntu Koperasaun Interna no Externa, Sr. Luis Pereira Cardoso, Dip. Cs.,Lic.CSH.,MA.,Mcs, ne’ebé Reprezenta Magnifiku Reitór Universidade da Paz, agradese no apresia ba iha Kruz Vermelha Timor-Leste (CVTL), ne’ebé ita servisu hamutuk hodi oferese tanki be’e nian mai iha UNPAZ, espera katak ita nia servisu hamutuk ne’e la to’o iha ne’e de’it, tamba dalaruma nesesidade sei iha, ami bele husu tán ba ita bo’ot sira iha tempu tuir mai.