CVTL HALO DOASAUN RAN IHA UNPAZ HODI KOMEMORA EZISTENSIA UNPAZ BA DALA XX
Dili-Universidade da Paz (UNPAZ) liuhusi Fakuldade Saúde Públika e Ciénsia Medica, servisu hamutuk ho Cruz Vermelha de Timor-Leste (CVTL) hodi organiza atividade doasaun rán ba estudante, Dosente no Funsionsáriu sira, atu bele ajuda familia/maluk sira ne'ebé moras ne'ebé presiza tulun liuhusi rán, atividade ne'e realiza hodi komemora Aniversariu UNPAZ ba dala XX tinan akadémiku 2024, iha Salaun José Casimiro (05/02).
Xefe Laboratórium FSPeCM, Sr, Cesaltino Maria Pires, Lic. SP.,M.,SP. hateten ita iha preparasaun ba dies natalis ne’ebé mak, sei akontese iha dia 09 de Marsu 2024, maka agora FSpeCM kopera hamutuk husi (CVTL) atu hala’o atividades doasaun ran ba estudante dosente nomós funsionariu sira iha Universidade da Paz, durante loron rua nian laran.
"Doasaun ran ida ne’e, oinsa mak bele fó kontribuisaun ba ita nia pasiente sira/maluk sira ne’ebé mak agora dauk-dauk presiza ran, ita hatene katak iha ran turuk ida ita bele salva ema nia vida bele rekopera ema nia saúde, ho ida ne’e maka ita hakarak atu bele fó ita nia kontribuisaun ba ita nia governu ba ita nia estadu ba ita nia nasaun, maske atividade ki’ik maibe ita hanoin katak ita nia kontribuisaun bele ajuda mós ita nia governu liuhusi kontribuisaun ran ou doasaun, doasaun ran ne’e la’os obrigatoriu,maibe bazeia ba ema hotu nia konsiensia hakarak doasaun ran",dehan Xefe Laboratorium FSPeCM.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
