CSH REALIZA FORMASAUN HO PARTE IGREJA

CSH REALIZA FORMASAUN HO PARTE IGREJA

Dili-Universidade da Paz (UNPAZ), liu-husi Fakuldade Ciênsia Sociais Humana hala’o enkontru ho parte igreja hodi realiza formasaun Biblia Maromak nian ba estudante sira iha aula Prof. Lucas da Costa, (27/02/23) horseik.

Rosalia dos Santos de Araujo, Lic.Csh nu’udar xefe departamentu estudu da paz hateten, iha nia parte lori universidade nia naran hato’o bemvindo no agradese ba parte igreja ne’ebé hili ona universidade da paz hodi realiza formasaun iha fakuldade csh.

"ha’u hanesan parte responsabilidade universidade da paz (UNPAZ) fó bemvindo ba ekipa sira ne’ebé hili universidade da paz hodi hala’o enkontru ka atividade ida ne’e no agradese mós ba alin estudante sira hotu ne’ebé partisipa iha fatin ne’e tanbá ita-bo’ot sira mak Maromak bolu no hili atu partisipa iha atividade ne’e iha universidade da paz. Formadór sira ne’ebé mai fahe informasaun sai hanesan instrumentu kristu nian hodi fahe Maromak nia liafuan hanesan fini ida ne’ebé mak kari hela iha fatin ne’e, iha momentu kmanek ne’e ha’u agradese ba ita-bo’ot sira nia posibilidade tanbá iha instituisaun barak iha Timor maibé Maromak hili liu universidade da paz", dehan Nia.

Formadór Remigio dos Reis, Lic.Csh mós haktuir, fakuldade ciênsia sociais humanioras hala’o enkontru ho parte igreja hodi fahe formasaun kona-ba Biblia Maromak nia liafuan ba estudante sira iha siénsia sociais durante oras ida nia laran, fahe esperiénsia barak ba estudante sira atu nune’e estudante sira bele kompriende lolo’os kriasaun husi Maromak nian. Formasaun ne’e ita hahú ohin no sei kontinua to’o bainrua espera katak esperiénsia sira ne’ebé ita fahe hanesan motivasaun ida b’a estudante sira hodi bele hanoin tuir Maromak nia liafuan.

Partisipa husi formasaun ne’e dekanu ho nia esturtura, xefe-departamentus, dosentes no estudante sira hotu iha fakuldade Ciênsias sociais e humanas.