CPA-TL HALO SOSIALIZASAUN BA ESTUDANTE SIRA IHA UNPAZ

CPA-TL HALO SOSIALIZASAUN BA ESTUDANTE SIRA IHA UNPAZ

Dili-Universidade da Paz (UNPAZ) liuhusi ikpa Casa de Produçao Audiovisual Timor-Leste (CPA-TL) halo sosializasaun kona-ba atividade Community Screening ka Komunidade Filmagen ba estudante sira UNPAZ, iha Salaun José Kasimiru (05/02).

Responsavel Juventude Timorense ba Mudansa, Sra. Delia dos Santos, haktuir atividade sosializasaun ne’ebé ohin loron hala’o iha UNPAZ, kona-ba programa CPA nian, ne’ebé ba-bain halo prpdusaun video sempre iha Community Screening ka komunidade filmagen, liuhusi video sira ne’ebé produs ona, hanesan, Importansia husi le’e, Abuzu de Poder, Festival Filme juventude Timorense.

Nia esplika, CPA produs ona video kuaze 2000 ona, ne’ebé mai ho programa oi-oin, no programa ne’ebé dadaun ne’e CPA halo mak Programa "Dalan Ba Futuru" ne’ebé fahe ba parte rua, Programa Juventude Timorense ba Mudansa no Programa Festival Filme Juventude Timorense, ne’ebé kada tinan sempre fó oportubnidade ba joven sira atu aplika ba iha vaga ne’e rasik.

"Husi filmagen sira ne’ebé aprezenta, oinsa estudante sira bele haree isu-isu ne’ebé akontese iha komunidade nia leet, liuhusi video sira ne’ebé aprezenta bele hafanun fali ita nia maluk joven sira bele hamoris fali leitura de le’e nomós video kona-ba abuzu de poder, oinsa estudante bele espresa sai preokupasaun no lamentasaun ne’ebé sira sente husi eskola ne’e rasik",tenik responsavel Delia.

Responsavel ne’e husu ba Joven sira, talentu ne’ebé mak imi iha no koñesimentu ne’ebé imi iha, favor imi kontinua haburas no hasa’e imi nia abilidade ne’ebé mak iha katak, oportunidade ne’e barak loos ne’ebé oferese husi CPA, importante mak vontade ne’ebé iha bele aplika iha CPA.

Entretantu iha sosializasaun ne’e, ekipa husi Casa de Produçao Audiovisual Timor-Leste (CPA-TL), pratispa husi Diretór Kreativu no Inovativu inklui Estudante sira iha Universidade da Paz.