CNC OFERESE LIVRU 45 BA UNPAZ

CNC OFERESE LIVRU 45 BA UNPAZ

Dili-Universidade da Paz (UNPAZ) liuhusi Centru Nasional Chega (CNC) oferese livru haat nulu resin lima (45) bá iha UNPAZ, “Hatutan Memória, Ema Nia Istória Durante Komflitu Polítiku (1975-1999), iha Primeiru Vice Retór nia nkna’ar fatin (08/04).

Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. hateten, ohin ita hetan apoiu livru husi instituisaun CNC, ne’ebé durante ne’e ita nia dosente balu ho estudante sira halo peskiza, liuhusi programa ne’ebé CNC halo.

Nia hatutan, husi rejultadu peskiza ne’e mak trasforma sai fali livru, tanba ne’e kontribuisaun dosente no estudante sira nian, mak CNC produs sai fali livru ohin lori balu mai iha UNPAZ.

“Ohin sira lori livru balu mai iha UNPAZ, atu tau bá iha biblioteka UNPAZ nian, atu nune’e estudante sira bele asessu bá iha informasaun sira ne’e”,dehan Vice Reitór Asuntu Akadémiku, Sr. Joaninho.

Aliende ne’e, reprezentante husi CNC, Ofisial Transmisaun Memória, Sr. Luis Garçia dos Santos, katak, ohin dader ami oferese livru 45 bá iha UNPAZ, liu-liu livru bá hatutan memória volume 1 no volume 2.

Estudante UNPAZ maioria kontribui ba livru ida ne’e, ho ida ne’e mak ami hanoin lori fali livru hirak ne’e mai iha biblioteka UNPAZ, hodi nafatin enkoraja no motiva estudante sira, kontinua hakerek ema nia memória liu-liu iha periodu (1974-1999).

“Livru ne’e sai hanesan pontu referensia bá estudante nomós dosente sira, para atu sai hanesan iha literature sira”,tenik Ofisial transmisaun Memória, Sr. Luis.

Partisipa iha oferese livru ne’e, Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. Diretór Biblioteka, Ofisial transmisaun Memória, Sr. Luis Garçia dos Santos.