CNC DEZAMINA INFORMASAUN BA ESTUDANTE UNPAZ

CNC DEZAMINA INFORMASAUN BA ESTUDANTE UNPAZ

Dili-Universidade da Paz, (UNPAZ),liuhusi Centru Nasional Cega (CNC) dezamina informasaun ba estudante sira iha UNPAZ kona-bå estudante sira ne’ebé estuda kona-bá área Komunikasaun Sosial, Estudu ba Paz nomós Relasaun Internasional, iha Aula Prof.Dr. Lucas da Cista (25/03).

Ekipa husi CNC, Sr. Alexandre Pinto, hateten, ami mai dezamina hela informasaun ba estudante sira ne'ebé mak estuda hela iha komunikasaun sosial, atu sai jornalista nomós sira ne'ebé estuda hela iha estudu da paz, no relasaun internasional nian, tanba hola parte iha programa ne'e, tanba ita nia komunidade no ita nia povu sira ne'ebé maka durante ne'e partisipa, sira nia historia la to’o no la fahe ba públiku.

“CNC nia programa ida ne'e presiza mós involvimentu partisipasaun husi estudante sira hodi bele ba rekolla informasaun hirak ne'e liu-liu ba historia husi komunidade sira kona-ba sira nia luta durante tempu rejistensia nian”,dehan Nia.

Iha sorin seluk, Xefe Departamentu Relasaun Internasional, Sr. João Maia, Lic CSH, hatutan, programa cega nian maibe cega iha parseiru di’ak ho UNPAZ liu-liu iha programa tuir organizasaun internasional, ohin iha ekipa ida ne'ebé mai husi cega atu bele partilla informasaun ba estudante sira liu-liu finalista sira, husi relasaun internasional no mós estudu ba paz kona-ba jornalismu ba paz.

“Programa seluk mak CNC embaixador ne'ebé partilla informasaun ba sira atu nune’e iha fulan Abril no Maiu sira sei loke vaga, atu nune’e ita nia estudante finalista sira bele kompete bainhira sira liu ona vaga ne'e sira bele hetan formasaun durante semana (3)”tenik Nia.

Nia reforsa, Semana rua iha dili, depois semana ida sira sei ba iha Iiquisa, nu'udar programa pilotu sira hahu uluk husi Liquisa depois atu bele ba rekolla informasaun ka historia sira husi vitima no vuneravel sira hahu husi 1974/1999 ne’ebé hatene historia.

Xefe ne’e akresenta, programa jornalismu UNPAZ ne'e iha 25 pesoas, tamba programa pilotu ne'e iha fatin 5 mak sira sei ba iha Liquisa ne'ebé kada grupu iha 5 pesoas, karik atu rekruta karik presiza 25 pesoas ba jornalismu UNPAZ, depois de programa CNC iha nia embaixador ne'e presiza ema na’in 5 ne'ebé maka mai husi finalista ou mai husi graduadu sira ne'ebé gradua sedauk liu tinan 2.

Partisipa husi atividade refere, CNC, Sr. Alexandre Pinto, ho ekipa, Xefe Departamentu Relasaun Internasional, Sr. João Maia, Lic CSH, ho Dosente estudante nomos funsionariu sira.