#UNPAZ# 21 ABRIL 2021
AVIZU
Bazeia ba kalendariu Akadémiku Universidade da Paz, ne’ebé estabelese husi senadu Universidade, programa ne’ebé sei hala’o iha tempu badak mak, programa estajiu nian, sei hahu loke rejistrasaun ba semester 7, no finalista sira, iha 21 de Abril komesa loke prosesu rejistrasaun ba programa estajiu no sei remata iha 22 de Maiu.
Aliende ne’e, fó sai mós katak, iha loron 17 to’o 25 Maiu sei iha programa exame final ba semester 3,5,7, husu ba Dosente sira atu aselera hasoru malu ho estudante sira semester 3,5,7, atu bele exame final iha loron 17 to’o 25 Maiu, no 26, hakat kedas ba iha programa orientasaun/penbekalan ba iha programa estajiu ne’e rasik durante loron rua 26-27, no 28 aloka estudante sira ba iha baze, husu ba sivitas akadémika Universidade da Paz, bele hakat mai iha Universidade hodi hatene informasaun klaru.
Fatin ba estajiu temporariu iha alternativu rua, hanesan iha fulan kotuk, ita hasoru malu ho autoridade Munisipiu Ermera, tuir planu ne’ebé iha Suku rua, Suku Estadu, no Raemerhei, tanbá iha situasaun Serka-Sanitaria iha Munisipu dili, se governu prolonga tan iha data ne’ebé ita halo programa estajiu, entau ita sei realiza de’it iha Munisipiu dili, ba servisu sosial ba iha komunidade sira ne’ebé mak hetan afeta ba inundasaun.
Mak ne’e de’it obrigadu ba ita bo’ot sira hotu nia atensaun.
Pro Reitór Asuntu Akadémiku, Sr. Joaninho Xavier Hey, Lic.,CSH.,M. Ed.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
