BAINAKA SPESIAL ARKITETURA HUSI AMERIKA MAI FAHE NIA ESPERENSIA IHA UNPAZ, KONABA EDIFISIU MATAK SUSTENTABILIDADE
Dili-Universidade da Paz (UNPAZ) liuhusi Fakuldade Enjeñaria departementu Arkitetura simu bainaka ida husi Estadus Unidus Amerika, Mana Sofhia mai fahe nia esperensia ba estudante no dosente sira kona-ba Edifisiu Matak sustentabilidade iha futuru oin mai, 17/01/2024 atividade ne'e realiza, iha Aula Prof. Lucas da Costa.
Dekanu Fakuldade Enjeñaria Sr. José Manuel Maniquin, AP. Lic. Eng.,M.Eng. katak ha'u lori Universidade no Fakuldade nia naran hato'o ami nia bemvindu ba mana Sofhia mai iha ami nia Universidade.
Hau husu ba alin estudante sira atu aproveita oportunidade ne'e ho di'ak, bainhira mana Sofhia atu fahe nia esperensia no matenek ne'e mai ita.
Partisipa iha atividade ne'e Dekanu Fakuldade Enjeñaria, Vise Dekanu, Xefe departementu sira, inklui funsinaru no estudante Arkitetura sira
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
