BAINAKA HUSI INDIA VIZITA UNPAZ TIMOR-LESTE

BAINAKA HUSI INDIA VIZITA UNPAZ TIMOR-LESTE

Dili-Universidade da Paz (UNPAZ) hetan vizita bainaka espesial na’in rua husi India, Sr. David ho Haja, ne’ebé reprezenta sira-nia instituisaun Indomet Educare Pvt Ltd husi Universidade Kings Internasional Medical Academy, mai halo diskuasaun ho estrutura senadu Universidade nian, hodi selebra kooperasaun ho UNPAZ, atu estabelese Eskola Internasional nomós Hospital Internasional iha Timor-Leste liu-liu iha UNPAZ.

Vise Reitór Asuntu Akadémiku, Dr. Joaninho Xavier Hei, Lic, CSH.,M. Ed., PhD, hateten ohin loraik ida ne’e, ita simu bainaka na’in rua husi India, sira mai hakarak servisu hamutuk ho UNPAZ, liu-liu sira hakarak estabelese eskola internasional nomós estabelese hospital internasional iha Timor-Leste liu-liu iha UNPAZ.

“Diskusaun ohin ne’e, ita sei informa ba estrutura senadu universidade nomós fundasaun, tanba sira mós husu ba estrutura UNPAZ, atu aselera lalais kona-ba kooperasaun ida ne’e, nune’e bele iha desizaun final ida entre instituisaun rua ne’e, nune’e bele implementa eskola internasional, tuir padraun internasional ho fasilidade, infraestrutura no laboratorium kompletu inklui hospital internasional”,dehan Vise hafoin remata diskusaun ho bainaka sira, iha Aula Prof. Dr. Lucas da Costa (08/04).

Nia dehan, ohin iha diskusaun ne’e, bainaka sira mós husu atu lori estrutura sira ba India, atu partisipa iha inaguasaun sira-nia hospital foun ne’ebé foin halo hotu iha tinan ida ne’e, atu sai sasin ba hospital foun ne’e, sira mós promete hospital ne’ebé sira halo iha India, sira sei halo iha Timor-Leste liu-liu iha UNPAZ, depois de iha konkordansia entre parte rua.

Entretantu iha diskusaun ne’e, Partisipa husi Vise Reitór Asuntu Akadémiku, Dr. Joaninho Xavier Hei, Lic, CSH.,M. Ed., PhD. Ho estrtura sira nós bainaka na’in husi India Sr. David ho Raja.