header-int

BAINAKA ESPESIAL HUSI UNIVERSIDADE WARMADEWA BALI INDONESIA MAI IHA UNPAZ

Sabtu, 29 Jun 2024, 09:54:43 OTL - 184 View
Share
BAINAKA ESPESIAL HUSI UNIVERSIDADE WARMADEWA BALI INDONESIA MAI IHA UNPAZ

BAINAKA ESPESIAL HUSI UNIVERSIDADE WARMADEWA BALI INDONESIA MAI IHA UNPAZ

Dili-Universidade da Paz (UNPAZ) Liuhusi Fakuldade Enjeñaria UNPAZ, hetan visitahusi Professór nomós Dosente sira husi Universidade Warmadewa Bali. Prof. Dr. Ir. I Wayan Runa, M.T ho Dr. Ir. Putu Ika Wahyuni, S.T., M.Si., M.T nomós Dr. Ir. Agus Kurniawan, S.T., M.T inklui I Gede Yogi Adnyana Puspita Riana, S.Ars., M.T. hodi realiza Palestra públiku, iha Aula Prof. Dr. Lucas da Costa (28/06).

Dekanu Enjeñaria Unpaz Sr. José Manuel Maniquin, AP., Lic.Eng., M.Arch. hateten programa ida ne’e, kontinuasaun husi MoA ne’ebé asina ona entre Fakuldade Enjeñaria UNPAZ ho Fakuldade Enjeñaria Universidade Warmadewa Bali Indonesia. Atividade ohin hanesan Professor no dosente sira ne’ebé iha fakuldade enjeñaria diskute kona-ba hanorin. Nune'e mós ida ne'e sei kontinua liu tan iha futuru ba iha área peskiza nian.

“Tinan ida ne'e Dosente na'in hitu (7) husi Fakuldade Enjeñaria UNPAZ sei termina sira-nia estudu iha nivel Mestradu área espesial MRIL ( Magister Rekayasa Ilmu Lingkungan) iha Universidade Warmadewa Bali Indonesia. No iha informasaun katak husi fulan setembru Dosente na'in hitu refere sei graduasaun”. Tenik Dekanu.

Iha sorin seluk Vise Dekanu I Sr. Jonas Lequi-sera das Neves Amaral, Lic.Tec, hateten Ohin loron ita hetan vizita espesial husi equipa Universidade Mawadewa espesialmente husi Dosente Mestradu iha Enjeñaria Infrastrutura no Ambiente sira-nia Professor Visitante sira no Dosente Visitante sira husi Universidade Warmadewa Bali ne’ebé mai iha UNPAZ, hodi hala'o palestra públiku liga ba iha materia Enjeñaria nian.

"Materia esensial ida mak kona-ba iha Universidade da Paz no sira fó hanoin oinsa mak atu bele involve kampuz sentral sai kampuz ne’ebé mak matak liu tan, no sei menus gastus husi komponente ne’ebé presiza aumenta, nune’e labele prejudika gastus makas ba universidade"dehan Nia.

Partisipa palestra ida ne'e, Prof. Dr. Ir. I Wayan Runa, M.T ho ekipa sira nomós Dekanu Fakuldade Enjeñaria ho estrutura fakuldade inklui mós estudante sira husi Fakuldade Enjeñaria Universidade da Paz.

Unidha Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL
© 2024 Universitas da Paz Follow Universitas da Paz : Facebook Twitter Linked Youtube