AVALIASAUN ANAAA REA-AKREDITASAUN INSTITUISAUN UNPAZ HETAN VALOR (B)

AVALIASAUN ANAAA REA-AKREDITASAUN INSTITUISAUN UNPAZ HETAN VALOR (B)

Dili-Universidade da Paz (UNPAZ) ne’ebé hetan Avaliasaun husi ANAAA ba Rea-akreditasaun Instituisaun UNPAZ ba dala tolu hetan rejultadu positivu ho valor (B), iha Aula Prof.Dr. Lucas da Costa (12/02).

Magnifiku Reitór, Universidade da Paz, Dr. Adolmando Soares Amaral, Lic.Eco.,MM. Hateten ohin estrutura Senadu komvoka reuniaun, depois de hetan rejultadu avaliasaun Rea-akreditasaun Instituisaun husi Avaliadór ANAAA, mak ohin ita divulga informasaun ne’e ba estrutura tomak.

Nia, hatutan, iha tinan XVI, ita partisipa Rea-akreditasaun ba dala tolu, bada ida ne’e mak nia rejultadu positivu, ne’ebé ita konsege muda rejultadu estatutu husi (C) ba (B).

“Ita espera katak, ita tenki prepara kondisões ne’ebé di’ak, iha tinan lima mai tân ita bele ba to’o (A)”,dehan Reitór.

Partisipa iha reuniaun ne’e, Magnifiku Reitór, Universidade da Paz, Dr. Adolmando Soares Amaral, Lic.Eco.,MM. Ho Estrutura tomak, Kompostu husi Vice Reitór sira, Dekanu Fakuldade 6, Xefe Departamemtu sira, Diretór/a Unidade sira, Dosente, inklui Funsionariu.