AVALIADOR NAIN 3 HO XEFE PROGRAMA ESTUDU ASINA RELATORIU PRELIMINARIU AKREDITASAUN FAKULDADE DIREITU

AVALIADÓR NA’IN 3 HO XEFE PROGRAMA ESTUDU ASINA RELATORIU PRELIMINARIU AKREDITASAUN FAKULDADE DIREITU

Dili-Universidade da Paz (UNPAZ) liuhusi Ajénsia Nasional ba Avalíasaun no Akreditasaun Akadémika, Institutu Públiku (ANAAA, I.P.) hala'o avaliasaun no akreditasaun ba Fakuldade Direitu durante loron rua, iha Aula Prof. Dr. Lucas da Costa (23/10/24).

Avaliasaun hahu horseik to’o ohin loron no iha loraik ne’e konsege finaliza, enkuantu avaliadór na’in tolu, Prof. Dr. Mella Rahayu (Avaliador Internasional), Dr. Agusto da Costa (Avaliador Nasional), Dra. Elisabeth R. da Costa Lopes (Avaliador Nasional) asina relatoriu preliminariu akreditasaun fakuldade direitu, ne’ebé akompaña husi Magnífiku Reitór Dr. Adolmando Soares Amaral, Lic. Eco,.MM. ho estrutura universidade no estrutura fakuldade dosentes nomós ekipa husi ANAAA nian.

Reprezenta avaliadór na’in, Dr. Agusto da Costa, hateten ami sente haksolok tebes ho preformes dosente no intervista ho estudante sira ativu alumni no stake holder sira hotu ne’ebé di’ak tebes, tanba ne’e hansan avaliadór sente kontete tebes ho akreditasaun ba iha programa estudu fakuldade direitu ba iha tinan ida ne’e. Tanba ne’e husi ami nia haree rezultadu husi avalisaun durante loron rua ami haree, kuaze buat di’ak barak los iha UNPAZ liuliu mós iha programa estudu fakuldade direitu ne’ebé hakat ba akreditasaun.

"Ami panelista sira mai la’os sai polisia ka juis atu fó sala ka julga, maibe ami hatudu de’it katak, ida ne’ebé presiza hasa’e, tanba ami nia prinsipiu ida ita timoroan mak mai halo avalisaun ko’alia ba maluk timoroan ne’ebé eduka maluk timoroan, tanba timor mak eduka timor ho ida ne’e ita tenki hasa’e kualidade timoroan sira ne’ebé mak ita eduka ne’e nia kualidade di’ak, tanba iha futuru sira mak sei kaer nasaun ida ne’e”,dehan Avaliadór.

Iha biban ne’e, Vise Reitór Asuntu Akadémiku, Sr. Joaninho Xavier Hei, Lic. CSH. M.Ed.Ph.D, hato’o obrigadu no agradese ba panelista no ekipa husi ANAAA ne’ebé husik tempu hodi mai iha UNPAZ, hodi halo avalisaun ba programa estudu iha fakuldade direitu durante loron rua nia laran iha UNPAZ. Ida ne’e nu’udar parte ida ajuda ami atu buka hatene forsa no frakeza durante tinan lima nia laran.

Entretantu iha avaliasaun no akreditasaun loron rua ne’e, partisipa husi Avaliador, Prof. Dr. Mella Rahayu (Avaliador Internasional), Dr. Agusto da Costa (Avaliador Nasional), Dra. Elisabeth R. da Costa Lopes (Avaliador Nasional) Ekipa Husi ANAAA, Vise Reitores sira, Pro-Reitor, Diretor Estrutua husi Fakuldade Direitu, Dosente inklui Funsionariu.